قر ۇلتتىق ەكونوميكا ءمينيسترى ر. دالەنوۆ بيىلعى قاڭتار–مامىر ارالىعىندا ءجىو وڭ قارقىنى ساقتالعانىن — ءوسىم  4% قۇراعانىن ايتتى.

«ينۆەستيتسيالاردىڭ ديناميكاسى ءجىو ءوسىم قارقىنىنان جوعارى. وسى جىلدىڭ 4 ايىنداعى 6,7%-عا قاراعاندا، ءوسىم 7,8%-عا دەيىن ارتتى. اۋىل شارۋاشىلىعىندا جانە قۇرىلىس سالاسىندا ينۆەستيتسيالار ءبىر جارىم ەسە ءوستى. ونەركاسىپتە ينۆەستيتسيالار 17,5% -عا ءوستى»، — دەدى ر. دالەنوۆ.

ونەركاسىپتىك ءوندىرىس بيىلعى قاڭتار–مامىر ايلارىندا 2%-عا ارتتى. قۇرىلىس سالاسىندا جەدەلدەۋ بايقالادى. 5 ايدىڭ ىشىندە ءوسىم 8,8% جەتتى. ونەركاسىپتىك وبەكتىلەردى، اۆتوكولىك جولدارىن، گاز قۇبىرلارىن سالۋ جۇمىستارى، سونداي-اق ءىرى زاۋىتتارداعى قۇرىلىس-مونتاج جۇمىستارى ۇلعايدى.

اۋىل شارۋاشىلىعىندا تۇراقتى ءوسىم بايقالادى. ءوندىرىس كولەمى 3,7% ارتتى.

قىزمەت كورسەتۋ سالاسىندا جەدەلدەۋ بايقالادى. ەسەپتى كەزەڭدە بۇل سالا قاڭتار-ءساۋىر ايلارىنداعى 4,2%-عا قاراعاندا 4,7%-عا ءوستى. اتالعان سەكتوردىڭ بارلىق سالالارىندا ديناميكانىڭ جەدەلدەگەنى بايقالادى. قىزمەتتەر سەگمەنتىندە ساۋدا ەڭ جوعارى ءوسىمدى كورسەتەدى. ساتىلىمدار كولەمى 5 ايدا 7,5%-عا ءوستى. بۇل نەگىزىنەن اۆتوكولىك قۇرالدارىن، اۆتو بولشەكتەردى جانە مۇناي ونىمدەرىن ساتۋ كولەمىنىڭ ارتۋىمەن بايلانىستى. كولىك سالاسىندا 5,3%-عا دەيىن جەدەلدەۋ بەلگىلەنگەن.

قر ۇلتتىق بانكىنىڭ توراعاسى ە. دوساەۆ وسى جىلدىڭ مامىر ايىنداعى ايلىق ينفلياتسيانىڭ 0,6% قۇراعانىن اتاپ ءوتتى. ينفلياتسيا جىلدىق كورسەتكىشتە — 5,3%. ۇلتتىق بانكتىڭ بولجامدارىنا سايكەس، ينفلياتسيا 2019–2020 جىلدارعا بەلگىلەنگەن 4-6% ناقتىلانعان ماقساتتى ءدالىز شەگىندە ساقتالادى. تەڭگەنىڭ ايىرباس باعامى 2018 جىلدىڭ سوڭىنداعى دەڭگەيدە ساقتالدى.

Abai.kz