Düysenbi, 21 Qazan 2019
1196 1 pikir 13 Mausım, 2019 sağat 11:22

Sırdıñ bas qalası jasıl jelekke oranbaq

Sırdıñ bas şaharanıñ aynalasında aldağı uaqıtta «jasıl beldeu» salınbaq, - dep habarlaydı Abay-aqparat.

Elbasınıñ «Bolaşaqqa bağdar: ruhani jañğıru» bağdarlamalıq maqalasında «Tuğan jer» bağdarlamasımen qalalardı apattandıru jöninde aytılğan bolatın. Osı maqsatta oblıs ortalığında 534 gektar jer bölingen. Qazirgi tañda bwl jobanı jüzege asıruğa tiisti qarajat qaralıp, joba-smetalıq qwjattarı äzirlenu üstinde.

– «Jasıl beldeudi» ornalastıru şaraları üş bağıtta jürgiziledi. Alğaşqısı - Jezqazğan, ekinşisi - Sırdariya audanı bağıtın qamtısa, üşinşi bağıtı «Batıs Qıtay - Batıs Europa» boyınşa jürgiziledi.

«Sonday-aq, oblıs äkiminiñ tapsırmasına säykes jergilikti byudjet esebinen oblıstıñ barlıq eldi mekeninde «jasıl beldeu» ornlastıruğa män berilip otır. Oğan jergilikti byudjet esebinen qarjı qaralmaq», - dedi oblıstıq tabiği resurstar jäne tabiğat paydalanudı retteu basqarmasınıñ basşısı Aydar Abdualiev.

Esteriñizde bolsa, Aral teñiziniñ qwrğağan wltanında wşqan şañ men twzdı toqtatu üşin 25 jılda 173 mıñ gektar aumaqqa sekseuil ağaştarı egildi. Oğan oblıstıq byudjetten qarjı bölinedi. Biıl atalğan aumaqta 5 mıñ gektar jerge sekseuil köşetteri otırğızılmaq. Sonımen qatar, Aral öñirde Oñtüstik Koreyanıñ orman şaruaşılığı qızmetimen birlesken «Aral teñiziniñ qwrğağan wltanında fitoorman melioraciyalıq jwmıstarın jürgizu» jobası jüzege asırıluda. Nätijesinde 2018-2019 jıldarda sol aumaqta 10 mıñ gektar sekseuil egilmek.

Abai.kz

1 pikir