سارسەنبى, 17 شىلدە 2019
1066 1 پىكىر 13 ماۋسىم, 2019 ساعات 11:22

سىردىڭ باس قالاسى جاسىل جەلەككە ورانباق

سىردىڭ باس شاھارانىڭ اينالاسىندا الداعى ۋاقىتتا «جاسىل بەلدەۋ» سالىنباق، - دەپ حابارلايدى اباي-اقپارات.

ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىندا «تۋعان جەر» باعدارلاماسىمەن قالالاردى اپاتتاندىرۋ جونىندە ايتىلعان بولاتىن. وسى ماقساتتا وبلىس ورتالىعىندا 534 گەكتار جەر بولىنگەن. قازىرگى تاڭدا بۇل جوبانى جۇزەگە اسىرۋعا ءتيىستى قاراجات قارالىپ، جوبا-سمەتالىق قۇجاتتارى ازىرلەنۋ ۇستىندە.

– «جاسىل بەلدەۋدى» ورنالاستىرۋ شارالارى ءۇش باعىتتا جۇرگىزىلەدى. العاشقىسى - جەزقازعان، ەكىنشىسى - سىرداريا اۋدانى باعىتىن قامتىسا، ءۇشىنشى باعىتى «باتىس قىتاي - باتىس ەۋروپا» بويىنشا جۇرگىزىلەدى.

«سونداي-اق، وبلىس اكىمىنىڭ تاپسىرماسىنا سايكەس جەرگىلىكتى بيۋدجەت ەسەبىنەن وبلىستىڭ بارلىق ەلدى مەكەنىندە «جاسىل بەلدەۋ» ورنلاستىرۋعا ءمان بەرىلىپ وتىر. وعان جەرگىلىكتى بيۋدجەت ەسەبىنەن قارجى قارالماق»، - دەدى وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باسشىسى ايدار ابدۋاليەۆ.

ەستەرىڭىزدە بولسا، ارال تەڭىزىنىڭ قۇرعاعان ۇلتانىندا ۇشقان شاڭ مەن تۇزدى توقتاتۋ ءۇشىن 25 جىلدا 173 مىڭ گەكتار اۋماققا سەكسەۋىل اعاشتارى ەگىلدى. وعان وبلىستىق بيۋدجەتتەن قارجى بولىنەدى. بيىل اتالعان اۋماقتا 5 مىڭ گەكتار جەرگە سەكسەۋىل كوشەتتەرى وتىرعىزىلماق. سونىمەن قاتار، ارال وڭىردە وڭتۇستىك كورەيانىڭ ورمان شارۋاشىلىعى قىزمەتىمەن بىرلەسكەن «ارال تەڭىزىنىڭ قۇرعاعان ۇلتانىندا فيتوورمان مەليوراتسيالىق جۇمىستارىن جۇرگىزۋ» جوباسى جۇزەگە اسىرىلۋدا. ناتيجەسىندە 2018-2019 جىلداردا سول اۋماقتا 10 مىڭ گەكتار سەكسەۋىل ەگىلمەك.

Abai.kz

1 پىكىر