Jwma, 19 Şilde 2019
46 - söz 724 5 pikir 11 Şilde, 2019 sağat 11:12

Ana men balanı qorğaytın "Jol kartasın" Köşerbaev kerek qıla ma?

Eñbek jəne halıqtı əleumettik qorğau ministrligi tosın sıy dayındap jatır deydi-mıs. Kedeyliktiñ şegi osı toqsanda Ataulı əleumettik kömek boyınşa 18 mıñğa tüsedi degen sıbıs bar. Dollar ösip, teñge qwnsızdanıp jatqanda kedeylik qalay tüsedi? Sonda Elbasınıñ köp balalılarğa 21 mıñnan berilsin degen uədesin ayaqastı qılatın bwl qanday döy ministrlik?

5 ay ötti. Əli köp balalılardı qorğaytın birıñğay Wlttıq bağdarlama qwrılmadı. Nwr-swltanda köp balalılardıñ balalarına tegin mektep forması, joğarı oqu ornına 180 tegin grant, analarğa stamatologiya tegin qızmet körsetedi. Basqa qalalarda bwl jeñildik joq. Qarağandıda köp balalılarğa balabaqşağa 50 payız jeñildik, qala işindegi avtobustarda tegin jolaqı bileti engizilgen. Basqa oblıstarda bwl jeñildik joq.

Ər qalanıñ analarına nege ərtürli kömek qarastırılğan? 5 ayda respublika boyınşa ortaq bağdarlama qabıldauğa bolatın edi ğoy. Ministrlik janındağı Jwmıs tobındağı analardıñ Gülşara Əbdihalıqovağa ayğaylap jatqanın kördik. 5 ayda Prezident özgerdi, ministr özgerdi, PA basşısı özgerdi, əkim özgerdi. Endi wsınısımızben tanısıp, ortaq şeşimge kelemiz degende jaña basşı keledi. Bizdiñ amanatımızdı arqalağan Jwmıs tobı Ükimetke sözin ötkize almasa, üyde otırğan ananı kim tıñdaydı.

Sağıntaev ketti. Jwmıs tobı dayındağan Ana men balanı qorğaytın Jol kartasın Köşerbaev kerek qıla ma? 17 mln halıqtıñ işindegi azğantay ğana 340 mıñ köp balalı ananı masıl degen Ükimet tağı qanday tosın sıy dayındap jatır eken?

Läzzat Qojahmettiñ facebook paraqşasınan

Abai.kz

5 pikir