Jeksenbi, 25 Tamız 2019
Aqmıltıq 2060 54 pikir 22 Şilde, 2019 sağat 11:00

Toqaev: Stalindik quğın-sürgindi keşiru mümkin emes

Ötkende Memleket basşısı Qasım-Jomart Toqaev turalı derekti fil'm jariya boldı. Onı «31 arna» körsetti. «Prezident 2.0» derekti fil'minde Täuelsiz Qazaqstannıñ ekinşi prezidenti Qasım-Jomart Kemelwlı özi häm öz wstanımı turalı egjey-tegjeyli äñgimelep bergen eken.

Derekti fil'mde Prezident Toqaev öziniñ äkesi Kemel Toqaev turalı aytıptı.

«Ol ömiriniñ soñına deyin, soğısta jeñgeni üşin Stalinge riza bolıp ötti. Bwl jerde ülken qarama-qayşılıq tuındap twr. Bir jağınan alıp qarağanda, ol Stalinniñ kesirinen jetim qaldı. Al ekinşi jağınan alıp qarasaq, ol Stalindi Keñes odağı Qarulı küşteriniñ Wlı qolbasşısı dep sanadı», deydi Prezident.

Sonday-aq, derekti fil'm barısında Qazaqstan prezidenti jurnalistiñ «Siz üşin Stalin kim?» degen saualına da jauap beripti.

«Men üşin Stalin, ärine iri tarihi twlğa. Biraq, kez kelgen iri tarihi twlğa siyaqtı Stalinniñ de qarama-qayşı jaqtarı boldı. Jappay quğın-sürgin, sonıñ işinde Qazaqstan jerindegi quğın-sürgindi keşiru mümkin emes. Stalinniñ soyılın soqqan şolaq belsendilerdiñ qolınan köptegen qazaqtıñ ziyalı qauım ökili türmede jazıqsızdan jazıqsız qaza taptı. Ekinşi jağınan äkemmen de kelisemin. El basına kün tuğan kezde Keñes odağın basqarıp, eldi jeñiske jetkizdi», deydi Prezident Toqaev.

Abai.kz

54 pikir