وتكەندە مەملەكەت باسشىسى قاسىم-جومارت توقاەۆ تۋرالى دەرەكتى فيلم جاريا بولدى. ونى «31 ارنا» كورسەتتى. «پرەزيدەنت 2.0» دەرەكتى فيلمىندە تاۋەلسىز قازاقستاننىڭ ەكىنشى پرەزيدەنتى قاسىم-جومارت كەمەلۇلى ءوزى ءھام ءوز ۇستانىمى تۋرالى ەگجەي-تەگجەيلى اڭگىمەلەپ بەرگەن ەكەن.

دەرەكتى فيلمدە پرەزيدەنت توقاەۆ ءوزىنىڭ اكەسى كەمەل توقاەۆ تۋرالى ايتىپتى.

«ول ءومىرىنىڭ سوڭىنا دەيىن، سوعىستا جەڭگەنى ءۇشىن ستالينگە ريزا بولىپ ءوتتى. بۇل جەردە ۇلكەن قاراما-قايشىلىق تۋىنداپ تۇر. ءبىر جاعىنان الىپ قاراعاندا، ول ءستاليننىڭ كەسىرىنەن جەتىم قالدى. ال ەكىنشى جاعىنان الىپ قاراساق، ول ءستاليندى كەڭەس وداعى قارۋلى كۇشتەرىنىڭ ۇلى قولباسشىسى دەپ سانادى»، دەيدى پرەزيدەنت.

سونداي-اق، دەرەكتى فيلم بارىسىندا قازاقستان پرەزيدەنتى ءجۋرناليستىڭ «ءسىز ءۇشىن ستالين كىم؟» دەگەن ساۋالىنا دا جاۋاپ بەرىپتى.

«مەن ءۇشىن ستالين، ارينە ءىرى تاريحي تۇلعا. بىراق، كەز كەلگەن ءىرى تاريحي تۇلعا سياقتى ءستاليننىڭ دە قاراما-قايشى جاقتارى بولدى. جاپپاي قۋعىن-سۇرگىن، سونىڭ ىشىندە قازاقستان جەرىندەگى قۋعىن-سۇرگىندى كەشىرۋ مۇمكىن ەمەس. ءستاليننىڭ سويىلىن سوققان شولاق بەلسەندىلەردىڭ قولىنان كوپتەگەن قازاقتىڭ زيالى قاۋىم وكىلى تۇرمەدە جازىقسىزدان جازىقسىز قازا تاپتى. ەكىنشى جاعىنان اكەممەن دە كەلىسەمىن. ەل باسىنا كۇن تۋعان كەزدە كەڭەس وداعىن باسقارىپ، ەلدى جەڭىسكە جەتكىزدى»، دەيدى پرەزيدەنت توقاەۆ.

Abai.kz