Seysenbi, 17 Qırküyek 2019
1285 4 pikir 21 Tamız, 2019 sağat 22:26

Darhan Qıdıräli men Däulet Käribek «Nur Otan» Sayasi keñesi Byurosınıñ qwramına endi

«Nur Otan» partiyasınıñ Sayasi keñesiniñ keñeytilgen otırısında QR Twñğış Prezidenti – Elbası Nwrswltan Nazarbaev partiyanıñ Sayasi keñesi Byurosınıñ qwramına özgeris engizudi wsındı.

Elbası atap ötkendey, byuronıñ qazirgi qwramında 11 müşe bar.

«Bwrın aytqanımday, halıqqa barınşa jaqın bolu kerek. Şeneunikke tän sipattan arılğan jön. Sol sebepti, jastarğa qoldau bildirip, äsirese, auıl jastarın qolpaştap, intelligenciyamen twraqtı dialogtı jolğa qoyğan abzal. Sol sebepti, Sayasi keñes Byurosınıñ qwramına özgeris engizu wsınılıp otır. Mäulen Sağathanwlı Äşimbaev memlekettik qızmetke ötti. Oğan sättilik tilep qoyalıq. Baqıt Twrlıhanwlı Swltanov memlekettik qızmetke barıp, ministr atandı. Oğan da rahmet!», - dedi Nwrswltan Nazarbaev.

Elbası sözin jalğastıra kele, Byuro qwramınan şığıp qalğan müşelerdiñ ornına «Egemen Qazaqstan» respublikalıq gazeti» AQ Basqarma törağası Darhan Quandıqwlı Qıdırälini engizudi wsındı.

«Ol köpke belgili. Gazetti köterdi. Bizdiñ intelligenciyamen baylanısı mıqtı. Sonımen birge, «Jas Otan» jastar qanatınıñ lideri Däulet Käribekti wsınamın. Jastardıñ atınan sol söylesin», - dedi Elbası.

Nwrswltan Nazarbaevtıñ bwl wsınısın partiyalastarı bir auızdan qoldap, dauıs berdi.

Abai.kz

4 pikir