Seysenbi, 12 Qaraşa 2019
Äleumet 1197 0 pikir 10 Qırküyek, 2019 sağat 11:36

1 jasar säbidiñ şetelde emdeluine kömek körsetildi

Bügin, 9 qırküyek küni «Qazaqstan» Wlttıq telearnasınan «Niet» äleumettik jobasınıñ twsauı kesildi.

«Niet» äleumettik jobası är aptanıñ jwmıs künderi 12:00-den bastap 2 sağat boyı tikeley efirde körsetiletin boladı. Atalğan jobada elimizdiñ tükpir-tükpirindegi kömekke mwqtaj jandardıñ mäselesi köteriledi. Bağdarlama wjımı är keyipkerine arnayı psihologiyalıq kömek körsetetinin aytpağan künniñ özinde, san-salalı mäseleler boyınşa naqtı qoldaulardı da wsınatın boladı.

Atalğan Jobanıñ negizgi maqsatı mınalar, bwnda türli sebeptermen qiındıqqa tap bolıp, tığırıqtan şığar jol izdegen Qazaqstan azamattarına järdem berip, olardıñ oñ jolğa tüsuine kömektesudi közdeydi. Sonday aq auqımdı sarapşılar pulı qwrılıp, qwqıq qorğau organdarı, Halıqqa qızmet körsetu ortalığı, qarjı, bilim beru, densaulıq saqtau jäne äleumettik mäseleler boyınşa özge de wyımdardıñ käsibi mamandarı studiyağa kelip, aqıl-keñesterimen bölisedi. Bwl bağdarlamada psihologiyalıq kömek türlerinen bastap, qoğam qajettiligi men talqısındağı baspana, kvota, bala asırap alu qatarlı mäseleleri boyınşa naqtı kömek şaraları qabıldanatın boladı.

9 qırküyek küngi bağdarlamanıñ alğaşqı şığarılımında auır dertke şaldıqqan bir jasar säbi Ämir Berğannıñ oqiğası söz boldı. «Niet» äleumettik jobasınıñ şığarmaşılıq tobı Ämirge kömek qajet ekenin aytıp, qolwşın sozuğa nietti azamattardıñ kömek körsetuine jol aşqan bolatın.

Sonıñ nätijesinde elimizdegi jomart jandardıñ biri bir million teñge audarıp berdi. Sonımen Ämir anasımen birge Türkiya eline attandı. Bwğan qosa, tikeley efir barısında tağı bir körermen qoñırau şalıp, büldirşinniñ emine qajetti qarjını beruge dayın ekenin jetkizdi.

Sonımen qatar, studiyağa kelgen özge de birneşe keyipkerdiñ oylağan armanı orındaldı. Jobanıñ erteñgi, 10 qırküyek küngi şığarılımında jağdayı tömen, köpbalalı otbasığa päter kilti tabıstalatın boladı.

Köpbalalı analarğan kömektesu jaylı alğaş ret biıl aqpan ayında «Nwr Otan» partiyasınıñ XVIII s'ezi kezinde aytıldı. Ol kezde Twñğış Prezident Elbası Nwrswltan Nazarbaev ükimetke arnayı tapsırma bergen. Elbasınıñ tapsırmasına say köpbalalı otbasılardağı ärbir balağa 21 mıñ teñge berilumen qatar, köpbalalı jäne az qamtılğan otbasılardıñ baspanalı boluı üşin de memlekettik bağdarlamalar da qabıldanıp jatır.

«Niet» äleumettik jobasına deyin de elimiz telearnalarında azamattardı äleumettik jaqtan qoldaudı maqsat etken bağdarlamalar az bolğan joq. "Qaraket" sındı biregey telejobalar birneşe jıl boyı el azamattarınıñ süyikti äri paydalı bağdarlamasına aynalğan edi. Sol qatarğa endi «Niet» äleumettik jobası qosıldı dep senimmen aytuğa boladı.

Bwl joba elimizdegi az qamtılğan jäne köpbalalı tabsı tömen otbasıların qoldauğa da erekşe nazar audarudı sözde wstap otır. Naqtılap aytqanda, Elbası Nwrswltan Nazarbaev aqpan ayında tapsırğan tapsırmalar boyınşa eldegi köpbalalı otbasılardıñ äleumettik jağdayın jaqsartuğa jäne olardıñ baspanalı bouına da özd ülesin tigizbek. Sol bağıtta jwmıstar bastalıp ketkenin ayta keteyik.

Biz söz etip otırğan «Niet» äleumettik jobası mwqtaj jandar men qolı aşıq qalıñ bwqaranıñ arasında jalğauşı köpir boludı közdeytinin ayta keteyik.  Mwñ-mwqtajı men qajettiligin aytıp kelgen jandarğa är habarda kömek körsetu josparlanıp otır. Bwl äleumettik jobağa tikeley efirge habarlasu arqılı qolwşın sozuğa nietti är adam atsalısa alatının ayta keteyik.

Kömekke zäru jandardıñ ötiniş-tilekteri +7 776 535 0751, +7 701 555 0751 nömirleri boyınşa kez kelgen uaqıtta qabıldanadı. Habar barısında saual joldap, pikir bildiru üşin 8 (717) 2 75 71 71, +7 701 5550751 (Whatsap) baylanıs telefondarı jwmıs isteydi.

;feature=youtu.be

Abai.kz

0 pikir