جۇما, 29 ناۋرىز 2024
الەۋمەت 5774 0 پىكىر 10 قىركۇيەك, 2019 ساعات 11:36

1 جاسار ءسابيدىڭ شەتەلدە ەمدەلۋىنە كومەك كورسەتىلدى

بۇگىن، 9 قىركۇيەك كۇنى «Qazaqstan» ۇلتتىق تەلەارناسىنان «Niet» الەۋمەتتىك جوباسىنىڭ تۇساۋى كەسىلدى.

«Niet» الەۋمەتتىك جوباسى ءار اپتانىڭ جۇمىس كۇندەرى 12:00-دەن باستاپ 2 ساعات بويى تىكەلەي ەفيردە كورسەتىلەتىن بولادى. اتالعان جوبادا ەلىمىزدىڭ تۇكپىر-تۇكپىرىندەگى كومەككە مۇقتاج جانداردىڭ ماسەلەسى كوتەرىلەدى. باعدارلاما ۇجىمى ءار كەيىپكەرىنە ارنايى پسيحولوگيالىق كومەك كورسەتەتىنىن ايتپاعان كۇننىڭ وزىندە، سان-سالالى ماسەلەلەر بويىنشا ناقتى قولداۋلاردى دا ۇسىناتىن بولادى.

اتالعان جوبانىڭ نەگىزگى ماقساتى مىنالار، بۇندا ءتۇرلى سەبەپتەرمەن قيىندىققا تاپ بولىپ، تىعىرىقتان شىعار جول ىزدەگەن قازاقستان ازاماتتارىنا جاردەم بەرىپ، ولاردىڭ وڭ جولعا تۇسۋىنە كومەكتەسۋدى كوزدەيدى. سونداي اق اۋقىمدى ساراپشىلار پۋلى قۇرىلىپ، قۇقىق قورعاۋ ورگاندارى، حالىققا قىزمەت كورسەتۋ ورتالىعى، قارجى، ءبىلىم بەرۋ، دەنساۋلىق ساقتاۋ جانە الەۋمەتتىك ماسەلەلەر بويىنشا وزگە دە ۇيىمداردىڭ كاسىبي ماماندارى ستۋدياعا كەلىپ، اقىل-كەڭەستەرىمەن بولىسەدى. بۇل باعدارلامادا پسيحولوگيالىق كومەك تۇرلەرىنەن باستاپ، قوعام قاجەتتىلىگى مەن تالقىسىنداعى باسپانا، كۆوتا، بالا اسىراپ الۋ قاتارلى ماسەلەلەرى بويىنشا ناقتى كومەك شارالارى قابىلداناتىن بولادى.

9 قىركۇيەك كۇنگى باعدارلامانىڭ العاشقى شىعارىلىمىندا اۋىر دەرتكە شالدىققان ءبىر جاسار ءسابي ءامىر بەرعاننىڭ وقيعاسى ءسوز بولدى. «Niet» الەۋمەتتىك جوباسىنىڭ شىعارماشىلىق توبى امىرگە كومەك قاجەت ەكەنىن ايتىپ، قولۇشىن سوزۋعا نيەتتى ازاماتتاردىڭ كومەك كورسەتۋىنە جول اشقان بولاتىن.

سونىڭ ناتيجەسىندە ەلىمىزدەگى جومارت جانداردىڭ ءبىرى ءبىر ميلليون تەڭگە اۋدارىپ بەردى. سونىمەن ءامىر اناسىمەن بىرگە تۇركيا ەلىنە اتتاندى. بۇعان قوسا، تىكەلەي ەفير بارىسىندا تاعى ءبىر كورەرمەن قوڭىراۋ شالىپ، ءبۇلدىرشىننىڭ ەمىنە قاجەتتى قارجىنى بەرۋگە دايىن ەكەنىن جەتكىزدى.

سونىمەن قاتار، ستۋدياعا كەلگەن وزگە دە بىرنەشە كەيىپكەردىڭ ويلاعان ارمانى ورىندالدى. جوبانىڭ ەرتەڭگى، 10 قىركۇيەك كۇنگى شىعارىلىمىندا جاعدايى تومەن، كوپبالالى وتباسىعا پاتەر كىلتى تابىستالاتىن بولادى.

كوپبالالى انالارعان كومەكتەسۋ جايلى العاش رەت بيىل اقپان ايىندا «نۇر وتان» پارتياسىنىڭ XVIII سەزى كەزىندە ايتىلدى. ول كەزدە تۇڭعىش پرەزيدەنت ەلباسى نۇرسۇلتان نازارباەۆ ۇكىمەتكە ارنايى تاپسىرما بەرگەن. ەلباسىنىڭ تاپسىرماسىنا ساي كوپبالالى وتباسىلارداعى ءاربىر بالاعا 21 مىڭ تەڭگە بەرىلۋمەن قاتار، كوپبالالى جانە از قامتىلعان وتباسىلاردىڭ باسپانالى بولۋى ءۇشىن دە مەملەكەتتىك باعدارلامالار دا قابىلدانىپ جاتىر.

«Niet» الەۋمەتتىك جوباسىنا دەيىن دە ەلىمىز تەلەارنالارىندا ازاماتتاردى الەۋمەتتىك جاقتان قولداۋدى ماقسات ەتكەن باعدارلامالار از بولعان جوق. "قاراكەت" سىندى بىرەگەي تەلەجوبالار بىرنەشە جىل بويى ەل ازاماتتارىنىڭ سۇيىكتى ءارى پايدالى باعدارلاماسىنا اينالعان ەدى. سول قاتارعا ەندى «Niet» الەۋمەتتىك جوباسى قوسىلدى دەپ سەنىممەن ايتۋعا بولادى.

بۇل جوبا ەلىمىزدەگى از قامتىلعان جانە كوپبالالى تابسى تومەن وتباسىلارىن قولداۋعا دا ەرەكشە نازار اۋدارۋدى سوزدە ۇستاپ وتىر. ناقتىلاپ ايتقاندا، ەلباسى نۇرسۇلتان نازارباەۆ اقپان ايىندا تاپسىرعان تاپسىرمالار بويىنشا ەلدەگى كوپبالالى وتباسىلاردىڭ الەۋمەتتىك جاعدايىن جاقسارتۋعا جانە ولاردىڭ باسپانالى بوۋىنا دا ءوزد ۇلەسىن تيگىزبەك. سول باعىتتا جۇمىستار باستالىپ كەتكەنىن ايتا كەتەيىك.

ءبىز ءسوز ەتىپ وتىرعان «Niet» الەۋمەتتىك جوباسى مۇقتاج جاندار مەن قولى اشىق قالىڭ بۇقارانىڭ اراسىندا جالعاۋشى كوپىر بولۋدى كوزدەيتىنىن ايتا كەتەيىك.  مۇڭ-مۇقتاجى مەن قاجەتتىلىگىن ايتىپ كەلگەن جاندارعا ءار حاباردا كومەك كورسەتۋ جوسپارلانىپ وتىر. بۇل الەۋمەتتىك جوباعا تىكەلەي ەفيرگە حابارلاسۋ ارقىلى قولۇشىن سوزۋعا نيەتتى ءار ادام اتسالىسا الاتىنىن ايتا كەتەيىك.

كومەككە ءزارۋ جانداردىڭ ءوتىنىش-تىلەكتەرى +7 776 535 0751, +7 701 555 0751 نومىرلەرى بويىنشا كەز كەلگەن ۋاقىتتا قابىلدانادى. حابار بارىسىندا ساۋال جولداپ، پىكىر ءبىلدىرۋ ءۇشىن 8 (717) 2 75 71 71, +7 701 5550751 (Whatsap) بايلانىس تەلەفوندارى جۇمىس ىستەيدى.

;feature=youtu.be

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3610