سەنبى, 21 قىركۇيەك 2019
الەۋمەت 690 0 پىكىر 10 قىركۇيەك, 2019 ساعات 11:36

«Niet» تەلەجوباسىندا كومەك كورسەتىلگەن 1 جاسار ءسابي شەتەلدە ەم الۋعا اتتاندى

بۇگىن «Qazaqstan» ۇلتتىق تەلەارناسىنان «Niet» الەۋمەتتىك جوباسىنىڭ تۇساۋى كەسىلدى. جۇمىس كۇندەرى 12:00-دەن باستاپ 2 ساعات بويى تىكەلەي ەفيردە كورسەتىلەتىن جوبادا كومەككە ءزارۋ جانداردىڭ ماسەلەسى كوتەرىلەدى. باعدارلاما ۇجىمى ءار كەيىپكەرگە پسيحولوگيالىق كومەكتى ايتپاعاننىڭ وزىندە، سان-سالالى ماسەلەلەر بويىنشا ناقتى قولداۋلار ۇسىنادى.

9 قىركۇيەك كۇنگى باعدارلامانىڭ العاشقى شىعارىلىمىندا اۋىر دەرتكە شالدىققان ءبىر جاسار ءامىر بەرعاننىڭ وقيعاسى كوتەرىلدى. «Niet» الەۋمەتتىك جوباسىنىڭ شىعارماشىلىق توبى امىرگە كومەك قاجەت ەكەنىن ايتىپ، قولۇشىن سوزۋعا نيەتتى ازاماتتارعا قۇلاققاعىس ەتكەن بولاتىن. سونىڭ ناتيجەسىندە جومارت جانداردىڭ ءبىرى 1 ملن. تەڭگە اۋدارىپ، ءامىر اناسىمەن تۇركيا ەلىنە اتتاندى. تىكەلەي ەفير بارىسىندا تاعى ءبىر كورەرمەن قوڭىراۋ شالىپ، ءبۇلدىرشىننىڭ ەمىنە قاجەتتى قارجىنى بەرۋگە دايىن ەكەنىن جەتكىزدى.

بۇعان قوسا، ستۋدياعا كەلگەن وزگە دە بىرنەشە كەيىپكەردىڭ ارمانى ورىندالدى. جوبانىڭ 10 قىركۇيەك كۇنگى شىعارىلىمىندا كوپبالالى وتباسىعا پاتەر كىلتى تابىستالاتىن بولادى.

«Niet» جوباسى مۇقتاج جاندار مەن قولى اشىق قالىڭ بۇقارانىڭ اراسىندا كوپىر بولۋدى ماقسات ەتكەن.  مۇڭ-مۇقتاجىن ايتىپ كەلگەن جاندارعا ءار حاباردا كومەك كورسەتۋ جوسپارلانعان. بۇعان تىكەلەي ەفيرگە حابارلاسۋ ارقىلى قولۇشىن سوزۋعا نيەتتى ءار ادام اتسالىسا الادى.

كومەككە ءزارۋ جانداردىڭ ءوتىنىش-تىلەكتەرى +7 776 535 0751, +7 701 555 0751 نومىرلەرى بويىنشا كەز كەلگەن ۋاقىتتا قابىلدانادى. حابار بارىسىندا ساۋال جولداپ، پىكىر ءبىلدىرۋ ءۇشىن 8 (717) 2 75 71 71, +7 701 5550751 (Whatsap) بايلانىس تەلەفوندارى جۇمىس ىستەيدى.

;feature=youtu.be

Abai.kz

0 پىكىر