Senbi, 21 Qırküyek 2019
Bilik 2914 1 pikir 10 Qırküyek, 2019 sağat 11:49

Ükimet nesieni keşiru boyınşa qosımşa tizim jasaydı

Qazaqstanda nesiesi ükimet tarabınan öteletin azamattar tizimi tolıqtırıladı. Osılay dep 9 qırküyekte ötken brifing kezinde eñbek jäne äleumettik qorğau vice-ministri Svetlana Jaqıpova mälimdedi.

Tömendegi bes sanatqa kiretin azamattardıñ ğana memleket nesiesin ötep beredi: asırauşısınan ayırılğan otbasılar; mügedek balaları bar otbasılar; bala kezden 18 jasqa asqanğa deyin erekşe bala tärbielep otırğan otbasılar; äleumettik kömek aluşılar men 29 jasqa deyingi taza jetimder, kämelettik jasqa tolğanğa deyin ata-ana qamqorınsız qalğandar.

Eger joğarıda atalğan azamattardıñ kepilsiz üş millionnan aspaytın nesiesi bolsa jäne 300 mıñ teñgeden aspaytın qarızı bolsa, keşiriledi. Svetlana Jaqıpova elde atalğan bes sanatqa jatatın 2 mln 289 mıñ adam barın ayttı.

– Olardıñ işinde 507 mıñ adamnıñ nesiesi jabıldı, - dedi ol.

Wlttıq bank törağa orınbasarı Olega Smolyakovtıñ mälimetinşe, 5 qırküyekte memleket bankterge jäne mikrokredittik wyımdarğa 105 mlrd teñge tölegen.

Oleg Smolyakov nesiesin öteu akciyasına qatısqan azamattar "qara tizimge" engizilmeytinin, olar keyin bankterden tağı nesie aluğa bolatının atap ötti.

2019 jılı mausımda Qazaqstan prezidenti Qasım-Jomart Toqaev äleumettik jağdayı az qamtılğan azamattardıñ nesieleriniñ bir böligin keşiru jöninde jarlıqqa qol qoydı.

Biıl aqpanda Astananıñ şetinde üy örtenip, bir üydiñ bes balası mert bolğan. Osıdan keyin üy-jaydan qinalğan köp balalı jäne jalğız bastı analar bilikten äleumettik kömek körsetudi talap etip, narazılıq akciyalarına şığıp keledi.

Abai.kz

1 pikir