تومەندەگى بەس ساناتقا كىرەتىن ازاماتتاردىڭ عانا مەملەكەت نەسيەسىن وتەپ بەرەدى: اسىراۋشىسىنان ايىرىلعان وتباسىلار; مۇگەدەك بالالارى بار وتباسىلار; بالا كەزدەن 18 جاسقا اسقانعا دەيىن ەرەكشە بالا تاربيەلەپ وتىرعان وتباسىلار; الەۋمەتتىك كومەك الۋشىلار مەن 29 جاسقا دەيىنگى تازا جەتىمدەر، كامەلەتتىك جاسقا تولعانعا دەيىن اتا-انا قامقورىنسىز قالعاندار.

ەگەر جوعارىدا اتالعان ازاماتتاردىڭ كەپىلسىز ءۇش ميلليوننان اسپايتىن نەسيەسى بولسا جانە 300 مىڭ تەڭگەدەن اسپايتىن قارىزى بولسا، كەشىرىلەدى. سۆەتلانا جاقىپوۆا ەلدە اتالعان بەس ساناتقا جاتاتىن 2 ملن 289 مىڭ ادام بارىن ايتتى.

– ولاردىڭ ىشىندە 507 مىڭ ادامنىڭ نەسيەسى جابىلدى، - دەدى ول.

ۇلتتىق بانك توراعا ورىنباسارى ولەگا سمولياكوۆتىڭ مالىمەتىنشە، 5 قىركۇيەكتە مەملەكەت بانكتەرگە جانە ميكروكرەديتتىك ۇيىمدارعا 105 ملرد تەڭگە تولەگەن.

ولەگ سمولياكوۆ نەسيەسىن وتەۋ اكتسياسىنا قاتىسقان ازاماتتار "قارا تىزىمگە" ەنگىزىلمەيتىنىن، ولار كەيىن بانكتەردەن تاعى نەسيە الۋعا بولاتىنىن اتاپ ءوتتى.

2019 جىلى ماۋسىمدا قازاقستان پرەزيدەنتى قاسىم-جومارت توقاەۆ الەۋمەتتىك جاعدايى از قامتىلعان ازاماتتاردىڭ نەسيەلەرىنىڭ ءبىر بولىگىن كەشىرۋ جونىندە جارلىققا قول قويدى.

بيىل اقپاندا استانانىڭ شەتىندە ءۇي ورتەنىپ، ءبىر ءۇيدىڭ بەس بالاسى مەرت بولعان. وسىدان كەيىن ءۇي-جايدان قينالعان كوپ بالالى جانە جالعىز باستى انالار بيلىكتەن الەۋمەتتىك كومەك كورسەتۋدى تالاپ ەتىپ، نارازىلىق اكتسيالارىنا شىعىپ كەلەدى.

Abai.kz