Särsenbi, 16 Qazan 2019
1233 0 pikir 13 Qırküyek, 2019 sağat 13:30

Qazalıda «Qamqor Park» alleyası aşıldı

Qızılorda oblısı, Qazalı audanı Äyteke bi kentindegi «Jeñis» sayabağında «Qamqor Park» alleyası aşıldı, - dep habarlaydı Abay-aqparat.

Qazrigi tañda Qazalı öñirin jasıl jelekke aynaluı üşin audan köleminde köptegen jwmıstar atqarıluda. Jıl sayın köktemgi körkeytu-kögaldandıru, sanitarlıq tazalıq aylığı kezinde audan ortalığınıñ özinde altı mıñnan astam köşetter otırğızılıp, bwrınnan bar taldar retke keltirilgen. Alleyanıñ aşılu saltanatında audan äkimi Mwrat Ergeşbaev:

– Tuğan jerdiñ güldenuine twrğındarmen qatar, mekeme-käsiporın wjımdarı da erekşe üles qosuda. Bwl rette audanımızdağı ğasırdan astam tarihı bar temirjol mekemeleriniñ de nätijeli jwmıstarın ayta ketken orındı. Jaqında Dias Töleytaywlı Süleymenov basqaratın «Qamqor Menedjment» jauapkerşiligi şekteuli seriktestigi arnayı «Qamqor GREEN» bağdarlamasın qabıldap, respublika köleminde auqımdı şaralardı qolğa aldı. Sonıñ biri «Qamqor Park» jobası. Bwl şağın qalalardıñ twrğındarı üşin salauattı jäne estetikalıq tolıqqandı tabiği ortanı qwru üşin ağaş otırğızu akciyası.Bügin osı akciyanıñ ayasında «Jeñis» sayabağınıñ işinen arnayı alleya aşılıp, twrğındarğa tartu etkeli otır.Sizderdi «Qamqor Park» alleyasınıñ aşıluımen şın jürekten qwttıqtaymın. Jaña alleya eldiñ igiligine qızmet etip, halıqtıñ, jastardıñ demalatın ornına aynalsın, – dep izgi tilegin bildirdi.

Odan äri «Qamqor Menedjment» JŞS bas direktorınıñ orınbasarı Ruslan Şäkenov,Qazaqstan temir jolınıñ eñbek ardageri, Keñes Odağınıñ Qwrmetti temirjolşısı, Batıs Qazaqstan temir jolınıñ vagon şaruaşılığında basşı qızmetin atqarğan Bisembay Maysutov, audandıq «Ardagerler wyımı» qoğamdıq birlestigi keñesiniñ törağası Orazğali Bekbanov bügingi şaranıñ mañızdılığına toqtalıp, jaña alleyanıñ aşıluımen qwttıqtadı.

Ayta keteyik, atalğan alleyanıñ aşıluına Talğat Älipbaev basqaratın Qazalı vagon jöndeu deposı – «Qamqor vagon» filialı mwrındıq boldı. İrgeli wjım twrğındar üşin arnayı jürginşi jol salıp, orındıqtar ornattı. Temirjolşılardıñ kömegimen alleyanıñ işinde 500 tüp köşet otırğızıldı.

Abai.kz

0 pikir