Särsenbi, 19 Aqpan 2020
1454 0 pikir 20 Qırküyek, 2019 sağat 11:14

Qızılorda oblısınıñ äkimi käsipkerlermen kezdesti

Qızılorda oblısınıñ Quanışbek Isqaqov öñirlik käsipkerler keñesiniñ müşelerimen kezdesti, - dep habarlaydı Abay-aqparat.

Jiında aymaq basşısı öñirde käsipkerlik salasınıñ damu barısına toqtalıp, aldağı mindetter jöninde söz qozğadı.

- Memleket basşısınıñ tapsırmasına säykes 2020 jıldan bastap mikro jäne şağın biznes salıq töleuden bosatılıp, olarğa tekseru jürgizuge moratoriy jariyalanatın boladı. Bwl özgeristerdiñ tüpkilikti tüyini memlekettiñ biznesti damıtu üşin barınşa qolaylı jağday jasaudağı strategiyalıq bağıtına säykes keledi. Bizdiñ maqsatımız öñirde biznesti tabıstı jürgizu üşin äkimşilik kedergilerdi boldırmau jäne qolaylı jağdaylar jasau bolıp tabıladı, - dedi Quanışbek Dosmayılwlı.

Sonday-aq, ol oblısta käsip bastauğa nietti jandardı qoldauğa äzir ekendigin jäne käsipkerlik salasın damıtu bağıtında birlese jwmıs atqaruğa şaqırdı.Ol öz sözinde:

- Biz üşin jwmıs isteytin ärbir käsipker mañızdı jäne olarğa biz jwmıstı jürgizu üşin eñ jaqsı jağdaylardı jasauğa tırısamız, - dep atap ötti.

Bwdan äri öñir basşısı biznes ökilderiniñ wsınıstarın tıñdap, pikir almastı.

Bügingi tañda Qızılorda oblısında twraqtı jwmıs orındarın qwru, salıq bazasın wlğaytu jäne qoğamdıq-sayasi ahualdı twraqtandıru maqsatında «Jappay käsipkerlikti damıtu» jobası ekinşi jıl qatarınan jüzege asırıluda. Bwğan arnayı Jol kartası äzirlenip, ärtürli qarjı közderinen 34 mlrd teñge qarjı jwmsaladı dep josparlanıp otır. Onıñ işinde 5 mlrd. teñgesi memlekettik jäne öñirlik bağdarlamalar şeñberinde şağın nesieler jäne memlekettik granttar beruge bağıttalğan.

Ayta keteyik, 2019 jıldıñ 1 qañtarında öñirimizde tirkelgen şağın jäne orta käsipkerlik sub'ektileriniñ sanı 51078 birlikti qwrap, osı jıldıñ 1 şildesinde onıñ sanı 51274 birlikke jetti.

Abai.kz

0 pikir