Beysenbi, 21 Qaraşa 2019
666 2 pikir 18 Qazan, 2019 sağat 11:56

WQK: Siriyadan jetkizilgen 14 azamat terrorizm boyınşa ayıptaldı

Qazaqstannıñ wlttıq qauipsizdik komiteti Siriyada "Islam memleketi" terroristik tobınıñ "bir jasaq qwramında bolğan" 14 adamğa qatıstı tergeu ayaqtalğanın habarladı.

Olarğa "terroristik top äreketine qatıstı", "terrorizmdi nasihattadı" jäne özge de auır qılmıstar boyınşa ayıp tağılğan. Bwl aqparattı 17 qazanda wlttıq qauipsizdik komitetiniñ baspasöz qızmeti tarattı. İs Nwr-Swltan qalasınıñ mamandandırılğan audanaralıq qılmıstıq sotına jiberilgen.

WQK-niñ dereginşe, "özge memlekettik organdarmen jäne şetel seriktesterimen birlesip", "Jusan" operaciyası (Siriyadan Qazaqstan azamattarın qaytaru) ayasında Siriyadan 595 Qazaqstan azamatı qaytarılğan. Olardıñ 400-den astamı - balalar.

"Qaytarılğan adamdardıñ işinde on er adam men bes äyel Qazaqstanda tıyım salınğan DAIŞ (ekstremistik toptıñ arab tilindegi atauınıñ qısqartılğan nwsqası - red.) halıqaralıq terroristik wyımınıñ äreketine qatısu faktisi boyınşa ärtürli merzimge bas bostandığınan ayrıldı" delingen habarlamada.

2018 jılı şilde ayında Qazaqstan wlttıq qauipsizdik komiteti (WQK) Tayau Şığısta soğıs bastalğalı beri Siriya men Irakqa Qazaqstannıñ 800-ge juıq azamatı ketkenin habarlağan.

Abai.kz

2 pikir