Bizding basty kemshiligimiz – ózekti de nәzik diny mәselelerding shalghay eldi-mekenderding túrghyndaryna, halyqtyng úiymdaspaghan toptaryna jetpeui. Búl turaly býgin elordada ótken III respublikalyq imamdar forumynda sóz sóilegen Aqparat jәne qoghamdyq damu ministri Dәuren Abaev mәlimdedi. Ministr din salasyndaghy týiitkildi 5 mәselening mәnisin týsindirip qana qoymay, onyng sheshimin úsyndy.

"Dәstýrli dindi qaytaru júmystaryn kýsheytu qajet. Týsindiru júmystaryndaghy bizding basty kemshiligimiz – din salasynyng óte ózekti de nәzik mәselelerining shalghay eldi-mekenderding túrghyndaryna, halyqtyng úiymdaspaghan toptaryna jetpeui. Osy mәselege erekshe mәn beruimiz qajet. Osy tústa barlyq ónirlerdegi imamdardy halyqqa nasihat jasau kezinde qoghamdaghy ótkir mәselelerge toqtalyp, kelensiz jaghdaylardyng aldyn alugha baghyttalghan uaghyzdar jýrgizuge shaqyramyn", - dedi Dәuren Abaev.

Ministr "Ruhany qúndylyqtar – qogham birligining negizi" atty ruhaniyat ókilderi bas qosqan alqaly jiynda 5 negizgi mәselege jiti toqtalyp, olardy naqty qalay sheshu joldaryn týsindirip berdi.

Abaev Elbasynyng "Ruhany janghyru" baghdarlamasynyng ózegi sanalatyn pragmatikalyq kózqarasqa búqarany tәrbiyeleuge imamdardyng óz ýlesterin qosuyn súrady. Onyng aituynsha, uaghyz aitumen qatar halyqty ysyrapshyldyq pen orynsyz sәn-saltanattan tyiylugha, jastarymyzdyng nekeni saqtaugha, azamattardy salamatty ómir saltyn ústaugha shaqyrghan jón.

Osy rette auyldardaghy meshit imamdaryna materialdyq jәrdem beru mәselesi qarastyrylyp jatqanyn habarlady. Kýrdeli týitkildi sheshuge birshama uaqyt ketedi. Dese de, búl súraqtyng ontayly sheshiluine bar kýsh-jigerin salatynyn aitty.

"Ekinshiden, meshitterding qyzmetin retteudi jandandyru qajet. Aymaqtarda meshitter kommunaldyq-sharuashylyq mәseleleri tolyq sheshilgende ghana paydalanugha berilui kerek dep sanaymyz. Meshitti ashqan jergilikti mesenattar men demeushiler bastapqy uaqytta diny ghimarattyng shyghyndaryn óz qamqorlyghyna alugha shaqyrularynyzdy súraymyn. Dinimiz boyynsha sauapty is jasau tek qana meshit salumen shektelmeydi. Áriyne, qajettilik bar jerde meshit salu kerek. Alayda, meshit jetkilikti bolsa, qayyrymdy azamattar men mesenattardy mektep, auruhana, jol, kópir siyaqty halyq kóp jyldar boyy iygiligin kóretin, sauaby orasang zor iygi isterge kóptep ýndeudi úsynamyn", - dedi ol.

Sonymen qatar, Diny basqarma qyzmetkerlerining bilimi men biliktiligin arttyru jóninde de sóz qozghady.

Býginde memleket imamdargha qoldau kórsetu maqsatynda jyl sayyn diny basqarmanyng qyzmetshilerin oqytyp keledi. Búl júmys jalghasyn tappaq. Meshit imamdarynyng tapshylyghyn sheshu maqsatynda Núr-Mýbarak uniyversiytinde islamtanu mamandyghyna granttardyng kóptep bólinuine kómek kórsetiletin bolady.

"Kelesi bir manyzdy mәsele bar. Halyqtyng janazadan shygharu siyaqty diny rәsimderding tónireginde keybir moldalardyng júmysyna kónili tolmaydy. Sondyqtan Diny basqarma imamdardyng jana obrazyn qalyptastyru kerek dep esepteymin. Halyq imamdardy qayyrymdylyq sharalaryna múryndyq bolatyn, qayghysy men quanyshyn bólisetin qayyrymdy jandar sipatynda tanyghan jón. Sebebi, isting sózge qaraghanda әseri – kýshtirek", - dep shegelep aitty Abaev.

Búdan bólek, Dәuren Abaev óz sózinde túryp, júrtshylyqqa bergen uәdesin oryndaghanyn aitty.

"Kezdesulerimizding birinde Ózderinizge din taqyrybynda televiziyalyq baghdarlama ashugha uәde bergen edik. Bizding ministrlik tarapynan sol uәdeni oryndap, qazir "Qazaqstan" últtyq aransy men "Habar" telearnalarynan "Iman ózegi" syndy baghdarlamalar ashyldy. Elbasy men Memleket basshysy Qasym-Jomart Kemelúly din mәselesine airyqsha nazar audaruda. Sondyqtan da búl jolda birlesip, tabandylyqpen júmys isteytinimizge senemin. Barshanyzgha Allanyng meyirimi men amandyghy bolsyn", - dep óz sózin týiindedi.

Din salasyndaghy eng kókeykesti týitkilderdi tarqatyp aitqan Ýkimet ókili diny basqarmanyng әleumettik jeli men BAQ betterindegi aghartushylyq júmystaryn kýsheytu kerektigin de atap ótti.

Jaghymdy janalyqtardyng biri – juyrda jeke azamattardyng ótinishine ashyq әri jedel týrde jauap qatu maqsatynda virtualdy qabyldau bólmesi ashylady. Búl azamattargha teris mәlimetterdi emes, Qazaqstan mýsylmandary diny basqarmasymen tekserilgen dúrys әri shynayy aqparat alugha mýmkindik beredi. Búl bastamany jýzege asyrugha Abaev ózi basqaryp otyrghan ministrlik belsendi týrde atsalysatynyn jetkizdi.