Нұр-Сұлтан қалалық сотының төрағасы - Тілектес Бәрпібаев коронавирус жұқтыруы мүмкін. Бұл туралы nege.kz сайты жазды.

Сайт мәліметінше, қалалық сот төрағасы Тілектес Ешейұлы отбасымен Германияға демалуға барған кезінде жұқтырып алған болуы мүмкін. Ал, Бәрпібаевтың өзі қазір Германияда емделіп жатқан көрінеді.

Тілектес Ешейұлы Бәрпібаев 1960 жылы Алматы облысының Жамбыл ауданында, Қастек ауылында туған. Әр жылдары аудандық, облыстық соттарды басқарды. Нұр-Сұлтан қалалық сотының төрағасы болып тағайындалғанға дейін Алматы облыстық сотын басқарған.

Айта кетейік, ҚР денсаулық сақтау министрлігі екі қазақстандықтан коронавирус табылғанын растаған болатын. Бас санитарлық дәрігердің қаулысымен, олар карантиндік стационарға жабылды.

Abai.kz