نۇر-سۇلتان قالالىق سوتىنىڭ توراعاسى - تىلەكتەس بارپىباەۆ كوروناۆيرۋس جۇقتىرۋى مۇمكىن. بۇل تۋرالى nege.kz سايتى جازدى.

سايت مالىمەتىنشە، قالالىق سوت توراعاسى تىلەكتەس ەشەيۇلى وتباسىمەن گەرمانياعا دەمالۋعا بارعان كەزىندە جۇقتىرىپ العان بولۋى مۇمكىن. ال، بارپىباەۆتىڭ ءوزى قازىر گەرمانيادا ەمدەلىپ جاتقان كورىنەدى.

تىلەكتەس ەشەيۇلى بارپىباەۆ 1960 جىلى الماتى وبلىسىنىڭ جامبىل اۋدانىندا، قاستەك اۋىلىندا تۋعان. ءار جىلدارى اۋداندىق، وبلىستىق سوتتاردى باسقاردى. نۇر-سۇلتان قالالىق سوتىنىڭ توراعاسى بولىپ تاعايىندالعانعا دەيىن الماتى وبلىستىق سوتىن باسقارعان.

ايتا كەتەيىك، قر دەنساۋلىق ساقتاۋ مينيسترلىگى ەكى قازاقستاندىقتان كوروناۆيرۋس تابىلعانىن راستاعان بولاتىن. باس سانيتارلىق دارىگەردىڭ قاۋلىسىمەن، ولار كارانتيندىك ستاتسيونارعا جابىلدى.

Abai.kz