23 ақпанда жергілікті уақыт бойынша сағат 18:00-де Германиядағы федералды сайлауға арналған барлық сайлау учаскелері жабылып, дауыстарды санаудың алдын ала нәтижелері көп ұзамай жарияланды: Сайлау алдында болжанғандай, «Альянс» партиясы (Христиан-демократия одағы және Христиан-социалистер одағы (ХДО/ХСО) блогы) 28,5% дауыс жинап, төрт жылға жуық уақыттан кейін қайтадан парламенттегі ең үлкен партия болды. Оңшыл популистік «Германия үшін балама» партиясы тарихтағы ең жақсы нәтижеге қол жеткізіп, 20,8% дауыс жинап, алғаш рет парламенттегі екінші үлкен партия атанды.

Қазіргі билеуші ​​партиялар – Социал-демократиялық партиясы мен Жасылдар партиясы сәйкесінше 16,4% және 11,6% дауыс жинады, бұл өткен сайлаудағы нәтижелерден төмен болды. Бесінші орында - 8 пайыздан сәл жоғары дауыс жинаған солшыл партия. Өткен жылдың қарашасында басқарушы коалициядан шығып, мерзімінен бұрын сайлауға әкелген Либералдық-демократиялық партия 5 пайыздан аз дауыс жинап, федералды парламентке кіре алмауы мүмкін. Жақында солшыл партиядан бөлініп шыққан Вагенкнехт альянсы (BSW) да 5 пайыздан аз дауыс жинады.

Егер FDP дауыстарының соңғы саны 5 пайыздық парламенттік шектен төмен түссе, ең ықтимал басқарушы коалиция Фридрих Мерц басқаратын Альянс партиясы мен қазіргі премьер-министр Шольц басқаратын Социал-демократиялық партия болады. Либералдық-демократиялық партия парламентке кіре алатын болса, «Альянс» партиясы мен Социал-демократиялық партия мандаттардың жартысына жете алмайды және олар үкімет құру үшін Жасылдар партиясы немесе Либерал-демократиялық партиямен күш біріктіруі керек. Альянс партиясының төрағасы Мерц осы жылдың сәуір айында Пасха мерекесіне дейін үкіметті құру бойынша келіссөздерді аяқтауға үміттенетінін бұған дейін мәлімдеген. Мерц қазір министрлер кабинетін құру келіссөздері шамамен сегіз күннен кейін «еліміздің әртүрлі мәселелерін шешу үшін» мақсатымен басталатынын айтты.

Сайлау науқаны кезінде Альянс партиясы алдымен экономикалық саясатқа назар аударды, Асхаффенбург шабуылынан кейін Альянс партиясы иммиграциялық саясатты да басты мәселе ретінде енгізді және иммиграция және босқындар саясатын жан-жақты қатайтуды жақтай бастады.

Қазіргі премьер-министр Шольц басқаратын Социал-демократиялық партия алған дауыстардың саны 2021 жылғы жалпы сайлаудағы 25,7 пайыздан әлдеқайда төмен болды. Сайлау науқаны кезінде халықтың канцлер Шольцке деген сенімі төмендей берді. Бұл сайлауда Социал-демократиялық партияның нәтижесі оның екі бастапқы басқарушы серіктестері – Жасылдар партиясы мен Либералдық-демократиялық партияның дауыстарынан да төмен түсті. Шольц сайлау нәтижелері көңілден шықпағанын айтты. Егер Социал-демократиялық партия мен Лига үкіметтік келіссөздерге кіріссе, ол енді қатыспайды.

Сайлауда ең үлкен жеңіске жеткен - оңшыл, популистік «Германия үшін балама» партиясы болды, оның дауыс үлесі алдыңғы сайлаумен салыстырғанда екі есе дерлік артып, рекорд орнатты. Сайлау науқаны кезінде партия дағдарыс дәуіріндегі халықтың екіұдай кқңіл-күйін сәтті пайдаланды, оның иммиграциялық саясат пен экономикалық саясатқа қатысты көптеген ұсыныстары барған сайын қоғамның қолдауына ие болды. Партияның оңшыл популистік реңктері мен кейбір жоғары лауазымды саясаткерлердің жиі айтатын әсіре оңшыл ескертулеріне байланысты Германияның Конституциялық қорғау департаменті партияны «жартылай әсіре оңшылдар» қатарына жатқызды. Барлық басқа негізгі саяси партиялар да партиямен коалициялық үкімет құруға ешқашан ұмтылмайтындарын мәлімдеді. Дегенмен, Вайдель әлі де Альянс партиясы «кабинет құру туралы ақылға қонымды ұсыныс» жасаса, AfD оны қабылдау мүмкіндігін қарастыратынын айтты.

Бұрындары сайлау науқаны кезінде 5 пайыздық межеге жете алмай жүрген солшыл партия күтпеген жерден 8 пайыздан астам дауыс жинады. Сайлау науқанының соңғы кезеңінде партия әлеуметтік әділеттілік пен босқындар туралы гуманитарлық саясат сияқты мәселелерге назар аударып, әлеуметтік желі платформаларындағы жас желі қолданушыларына назар аударды. Партиядан бөлініп шыққан Вагенкнехт альянсы (BSW) 5 пайыздық межеге жете алмады.

Сонымен қатар, бұл сайлау екі Германияның бірігуінен кейінгі ең жоғары белсенділікті көрсетіп, шамамен 84%ды құрады.

Германиядағы сайлаудың нәтижесі жарияланғаннан кейін Трамп оңшылдардың жеңіске жеткеніне ерекше қуанып: «Бұл Германия мен Америка ұшін де даңқты бір күн» деп жазды өзінің жеке парақшасында. Ол сондай-ақ Германия билігінің энергия мен босқындар саясатын сынға алды. Ал Трамптың жақтасы Илон Маск те «Германия үшін балама» оңшыл партиясының жеңісіне қолдау білдірді.

Бірақ болашақ үкімет басқарудан үміткер Мерц Трамп пен Маскты «сайлауға араласты» деп сынап, Еуропаның қауіпсіздігін басты орынға қойып, Америкаға иек сүйеуден құтылу бағытын қолдайтынын айтты. Оның бұл бастамасына Франция басшысы Макрон қатарлы Еуропа лидерлері қолдау білдірді.

Abai.kz