Қарағанды облысында Мемлекет басшысының ауылдық денсаулық сақтауды жаңғырту жөніндегі тапсырмасы орындалуда. Ауылдық жерлерде 92 медициналық нысан: дәрігерлік амбулаториялар, фельдшерлік-акушерлік және медициналық пункттер салынуда. Олардың 51-і қайтарылған активтерге – қаражат арнайы мемлекеттік қордан бөлінген. Кадрларға қатысты да мәселе шешілуде.

– Онда кім жұмыс істейді деген сұрақтар келіп түсуде. Біз кадрлық қолдауды күшейткенімізді еске салғым келеді. Дәрігерлердің көтерме ақысы 8,5 млн теңгеге дейін ұлғайтылды, енді бұл тәжірибе тек ауылдарға ғана емес, қалаларға да тарайтын болады. Өткен жылы 62 дәрігер тартылды, биыл тағы 70-ін күтудеміз, – деді облыс әкімі Ермағанбет Бөлекпаев Өңірлік коммуникациялар қызметінде өткен брифингте.

Abai.kz