قاراعاندى وبلىسىندا مەملەكەت باسشىسىنىڭ اۋىلدىق دەنساۋلىق ساقتاۋدى جاڭعىرتۋ جونىندەگى تاپسىرماسى ورىندالۋدا. اۋىلدىق جەرلەردە 92 مەديتسينالىق نىسان: دارىگەرلىك امبۋلاتوريالار، فەلدشەرلىك-اكۋشەرلىك جانە مەديتسينالىق پۋنكتتەر سالىنۋدا. ولاردىڭ 51-ءى قايتارىلعان اكتيۆتەرگە – قاراجات ارنايى مەملەكەتتىك قوردان بولىنگەن. كادرلارعا قاتىستى دا ماسەلە شەشىلۋدە.

– وندا كىم جۇمىس ىستەيدى دەگەن سۇراقتار كەلىپ تۇسۋدە. ءبىز كادرلىق قولداۋدى كۇشەيتكەنىمىزدى ەسكە سالعىم كەلەدى. دارىگەرلەردىڭ كوتەرمە اقىسى 8,5 ملن تەڭگەگە دەيىن ۇلعايتىلدى، ەندى بۇل تاجىريبە تەك اۋىلدارعا عانا ەمەس، قالالارعا دا تارايتىن بولادى. وتكەن جىلى 62 دارىگەر تارتىلدى، بيىل تاعى 70-ءىن كۇتۋدەمىز، – دەدى وبلىس اكىمى ەرماعانبەت بولەكپاەۆ وڭىرلىك كوممۋنيكاتسيالار قىزمەتىندە وتكەن بريفينگتە.

Abai.kz