Қазіргі қоғамда құқықтық мәдениетті нығайту және жауапты азаматтық сананы қалыптастыру – елдің тұрақты дамуының негізгі алғы шарттарының бірі. Осы орайда «Адал азамат» біртұтас тәрбие бағдарламасын іске асыру және «Заң және Тәртіп» идеологемасын ілгерілету аясында 2026 жылғы 29 қаңтар күні Принтмедиа технологиялар колледжінде «Адал азамат – заңға бағынатын қоғамның негізі» тақырыбында ой-пікір алаңы өтті.

Іс-шараға құқық қорғау органдарының өкілдері – Алмалы ауданы қорғаныс істері жөніндегі басқармасының және Алмалы ауданы ЮПБ инспекторлары, сондай-ақ студенттер мен педагогтер қатысып, маңызды мәселелерді бірлесіп талқылады.

«Адал азамат» ұғымы қоғамда адалдықты және жоғары әлеуметтік жауапкершілікті білдіретін маңызды құндылық ретінде қарастырылады. Бұл тек заң талаптарын орындаумен шектелмей, әділ әрекет етуге, өзге адамдардың құқықтары мен бостандықтарын құрметтеуге, сыбайлас жемқорлыққа, құқық бұзушылықтарға және әлеуметтік немқұрайлылыққа төзбеушілік танытуға дайын болуды қамтиды. Осындай азаматтар ғана заңға бағынатын әрі әділетті қоғамның берік негізін қалыптастырады.

Ой-пікір алаңы барысында құқықтық сананы дамыту, құқық бұзушылықтардың алдын алу, отбасының, білім беру жүйесінің және жастар саясатының адал әрі жауапты азамат тәрбиелеудегі рөлі сияқты өзекті мәселелер кеңінен талқыланды. Жеке үлгінің, адамгершілік құндылықтардың және белсенді азаматтық ұстанымды сенімді нығайтудағы маңызына ерекше назар аударылды.

Сонымен қатар студенттердің қоғамдағы рөліне айрықша мән берілді. Өскелең ұрпақтың бойына «Адал азамат» қағидаттарын сіңіру – қауіпсіздікті қамтамасыз ету, сондай-ақ еліміздің өркендеуіне жол ашудың маңызды тетігі. 

Іс-шара соңында қатысушылар адалдық, әділдік және заңға бағыну қағидаттарын күнделікті өмірдің ажырамас бөлігіне айналуы тиіс деген ортақ пікірге келді. «Адал азамат – заңға бағынатын қоғамның негізі» тақырыбындағы ой-пікір алаңы ашық диалог, өзара құрмет және ортақ құндылықтарға ұмтылу арқылы әділетті әрі құқық үстемдігі орнаған қоғам қалыптастыру жолындағы маңызды қадам екенін көрсетті.

Аталған іс-шара әрбір қатысушыға өз ойын еркін білдіруге, бастамалар ұсынуға және өзекті мәселелердің тиімді шешу жолдарын бірлесіп талқылауға мүмкіндік берген мазмұнды әрі нәтижелі алаң болды.

Abai.kz