قازىرگى قوعامدا قۇقىقتىق مادەنيەتتى نىعايتۋ جانە جاۋاپتى ازاماتتىق سانانى قالىپتاستىرۋ – ەلدىڭ تۇراقتى دامۋىنىڭ نەگىزگى العى شارتتارىنىڭ ءبىرى. وسى ورايدا «ادال ازامات» ءبىرتۇتاس تاربيە باعدارلاماسىن ىسكە اسىرۋ جانە «زاڭ جانە ءتارتىپ» يدەولوگەماسىن ىلگەرىلەتۋ اياسىندا 2026 جىلعى 29 قاڭتار كۇنى پرينتمەديا تەحنولوگيالار كوللەدجىندە «ادال ازامات – زاڭعا باعىناتىن قوعامنىڭ نەگىزى» تاقىرىبىندا وي-پىكىر الاڭى ءوتتى.

ءىس-شاراعا قۇقىق قورعاۋ ورگاندارىنىڭ وكىلدەرى – المالى اۋدانى قورعانىس ىستەرى جونىندەگى باسقارماسىنىڭ جانە المالى اۋدانى يۋپب ينسپەكتورلارى، سونداي-اق ستۋدەنتتەر مەن پەداگوگتەر قاتىسىپ، ماڭىزدى ماسەلەلەردى بىرلەسىپ تالقىلادى.

«ادال ازامات» ۇعىمى قوعامدا ادالدىقتى جانە جوعارى الەۋمەتتىك جاۋاپكەرشىلىكتى بىلدىرەتىن ماڭىزدى قۇندىلىق رەتىندە قاراستىرىلادى. بۇل تەك زاڭ تالاپتارىن ورىنداۋمەن شەكتەلمەي، ءادىل ارەكەت ەتۋگە، وزگە ادامداردىڭ قۇقىقتارى مەن بوستاندىقتارىن قۇرمەتتەۋگە، سىبايلاس جەمقورلىققا، قۇقىق بۇزۋشىلىقتارعا جانە الەۋمەتتىك نەمقۇرايلىلىققا توزبەۋشىلىك تانىتۋعا دايىن بولۋدى قامتيدى. وسىنداي ازاماتتار عانا زاڭعا باعىناتىن ءارى ادىلەتتى قوعامنىڭ بەرىك نەگىزىن قالىپتاستىرادى.

وي-پىكىر الاڭى بارىسىندا قۇقىقتىق سانانى دامىتۋ، قۇقىق بۇزۋشىلىقتاردىڭ الدىن الۋ، وتباسىنىڭ، ءبىلىم بەرۋ جۇيەسىنىڭ جانە جاستار ساياساتىنىڭ ادال ءارى جاۋاپتى ازامات تاربيەلەۋدەگى ءرولى سياقتى وزەكتى ماسەلەلەر كەڭىنەن تالقىلاندى. جەكە ۇلگىنىڭ، ادامگەرشىلىك قۇندىلىقتاردىڭ جانە بەلسەندى ازاماتتىق ۇستانىمدى سەنىمدى نىعايتۋداعى ماڭىزىنا ەرەكشە نازار اۋدارىلدى.

سونىمەن قاتار ستۋدەنتتەردىڭ قوعامداعى رولىنە ايرىقشا ءمان بەرىلدى. وسكەلەڭ ۇرپاقتىڭ بويىنا «ادال ازامات» قاعيداتتارىن ءسىڭىرۋ – قاۋىپسىزدىكتى قامتاماسىز ەتۋ، سونداي-اق ەلىمىزدىڭ وركەندەۋىنە جول اشۋدىڭ ماڭىزدى تەتىگى. 

ءىس-شارا سوڭىندا قاتىسۋشىلار ادالدىق، ادىلدىك جانە زاڭعا باعىنۋ قاعيداتتارىن كۇندەلىكتى ءومىردىڭ اجىراماس بولىگىنە اينالۋى ءتيىس دەگەن ورتاق پىكىرگە كەلدى. «ادال ازامات – زاڭعا باعىناتىن قوعامنىڭ نەگىزى» تاقىرىبىنداعى وي-پىكىر الاڭى اشىق ديالوگ، ءوزارا قۇرمەت جانە ورتاق قۇندىلىقتارعا ۇمتىلۋ ارقىلى ادىلەتتى ءارى قۇقىق ۇستەمدىگى ورناعان قوعام قالىپتاستىرۋ جولىنداعى ماڭىزدى قادام ەكەنىن كورسەتتى.

اتالعان ءىس-شارا ءاربىر قاتىسۋشىعا ءوز ويىن ەركىن بىلدىرۋگە، باستامالار ۇسىنۋعا جانە وزەكتى ماسەلەلەردىڭ ءتيىمدى شەشۋ جولدارىن بىرلەسىپ تالقىلاۋعا مۇمكىندىك بەرگەن مازمۇندى ءارى ناتيجەلى الاڭ بولدى.

Abai.kz