Қазақстан мен АҚШ энергетика министрлері КҚК-ның санкциядан тыс мәртебесі мен мұнай жеткізудегі маңызын талқылады.

CERAWeek энергетикалық конференциясы аясында Қазақстанның Энергетика вице-министрі Ерлан Ақкенженов америкалық әріптесі Кристофер Райтпен келіссөздер жүргізді.

Қазақстандық ведомствоның хабарлауынша, министрлер логистика мәселелеріне және энергия ресурстарын әлемдік нарықтарға үздіксіз жеткізу кепілдіктеріне ерекше назар аударды.

Энергетика министрлігінің өкілі Е. Ақкенженов Каспий құбыр консорциумының (КҚК) әлемдік мұнай ұсынысының шамамен 2%-ын тасымалдайтын негізгі экспорттық бағыт ретіндегі рөлін атап өтті.

«Кездесуге қатысушылар құбырдың санкциядан тыс мәртебесін сақтау бойынша бірлескен жұмысты оң бағалады. Бұл жаһандық энергия нарығындағы теңгерімді ұстап тұрудың негізгі шарты болып табылады», — делінген хабарламада.

Айта кетейік, КҚК мұнай құбыры арқылы Қазақстан экспортының 80%-ы тасымалданады.

Abai.kz