قازاقستان مەن اقش ەنەرگەتيكا مينيسترلەرى كقك-نىڭ سانكتسيادان تىس مارتەبەسى مەن مۇناي جەتكىزۋدەگى ماڭىزىن تالقىلادى.

CERAWeek ەنەرگەتيكالىق كونفەرەنتسياسى اياسىندا قازاقستاننىڭ ەنەرگەتيكا ۆيتسە-ءمينيسترى ەرلان اقكەنجەنوۆ امەريكالىق ارىپتەسى كريستوفەر رايتپەن كەلىسسوزدەر جۇرگىزدى.

قازاقستاندىق ۆەدومستۆونىڭ حابارلاۋىنشا، مينيسترلەر لوگيستيكا ماسەلەلەرىنە جانە ەنەرگيا رەسۋرستارىن الەمدىك نارىقتارعا ۇزدىكسىز جەتكىزۋ كەپىلدىكتەرىنە ەرەكشە نازار اۋداردى.

ەنەرگەتيكا مينيسترلىگىنىڭ وكىلى ە. اقكەنجەنوۆ كاسپي قۇبىر كونسورتسيۋمىنىڭ (كقك) الەمدىك مۇناي ۇسىنىسىنىڭ شامامەن 2%-ىن تاسىمالدايتىن نەگىزگى ەكسپورتتىق باعىت رەتىندەگى ءرولىن اتاپ ءوتتى.

«كەزدەسۋگە قاتىسۋشىلار قۇبىردىڭ سانكتسيادان تىس مارتەبەسىن ساقتاۋ بويىنشا بىرلەسكەن جۇمىستى وڭ باعالادى. بۇل جاھاندىق ەنەرگيا نارىعىنداعى تەڭگەرىمدى ۇستاپ تۇرۋدىڭ نەگىزگى شارتى بولىپ تابىلادى»، — دەلىنگەن حابارلامادا.

ايتا كەتەيىك، كقك مۇناي قۇبىرى ارقىلى قازاقستان ەكسپورتىنىڭ 80%-ى تاسىمالدانادى.

Abai.kz