Украина президентінің міндетін атқарушы Александр Турчинов Ресейден Украинаның ішкі ісіне араласуды және "бопсалауды" тоқтатуды талап етті деп хабарлайды «Азаттық радиосы». Турчинов Украина террористік қауіптен тайсақтамайтынын айтып, теле арна арқылы Ресейден шекара маңындағы әскерін алып кетуді талап еткен. Бұған 24 сәуір күні Ресей әскерінің Украина шекарасына шоғырланып, НАТО-ның Польша мен Балтық бойы елдеріндегі жаттығуларына жауап ретінде «әскери жаттығу бастағаны» себеп болды. Естеріңізде болса Киев Славянскдегі сепаратистерді жөнге салу үшін әскер жөнелткен. Ал Ресей президенті Путин Киевтің шығыс Украинаға әскер шоғырландыруының зардаптары ауыр болады деп мәлімдеме жасаған болатын.

Абай-ақпарат