Қазақстан Қарулы Күштері Әуе қорғанысы күштерінің әуе шабуылына қарсы қорғаныс әскерлері бес зениттік-зымырандық кешенімен толықтырылды, деп хабарлады Қорғаныс министрлігінің баспасөз қызметіне сілтеме жасап «Қазақстан жаңалықтары».

Қазақстан Қарулы Күштері Әуе қорғанысы күштерінің әуе шабуылына қарсы қорғаныс әскерлеріне ақысыз негізде Ресейдің Қорғаныс министрлігінен бес С-300ПС қазіргі заманғы зениттік-зымырандық кешен берілді.

Кешен Алматы маңындағы «Жетісу» станциясына теміржол көлігімен жеткізілді.

«С-300ПС зениттік-зымырандық жүйелер жауынгерлік практикалық оқ атуларда сыналады және Қазақстанның әуе кеңістігін тасалау бойынша жауынгерлік кезекшілікті атқару үшін Қазақстан Қарулы Күштері ӘҚК әуе шабуылына қарсы қорғаныс әскерлерінің бағынышты әскери бөлімдеріне жарақтандырылуға берілетін болады», — деді Әуе шабуылына қарсы қорғаныс әскерлерінің қолбасшысы генерал-майор Нұржан Мұқанов.

С-300ПС зениттік-зымырандық кешені шағын төмен ұшатын нысаналарды жою үшін арналған.

Абай-ақпарат