قازاقستان قارۋلى كۇشتەرى اۋە قورعانىسى كۇشتەرىنىڭ اۋە شابۋىلىنا قارسى قورعانىس اسكەرلەرى بەس زەنيتتىك-زىمىراندىق كەشەنىمەن تولىقتىرىلدى، دەپ حابارلادى قورعانىس مينيسترلىگىنىڭ ءباسپاسوز قىزمەتىنە سىلتەمە جاساپ «قازاقستان جاڭالىقتارى».

قازاقستان قارۋلى كۇشتەرى اۋە قورعانىسى كۇشتەرىنىڭ اۋە شابۋىلىنا قارسى قورعانىس اسكەرلەرىنە اقىسىز نەگىزدە رەسەيدىڭ قورعانىس مينيسترلىگىنەن بەس س-300پس قازىرگى زامانعى زەنيتتىك-زىمىراندىق كەشەن بەرىلدى.

كەشەن الماتى ماڭىنداعى «جەتىسۋ» ستانتسياسىنا تەمىرجول كولىگىمەن جەتكىزىلدى.

«س-300پس زەنيتتىك-زىمىراندىق جۇيەلەر جاۋىنگەرلىك پراكتيكالىق وق اتۋلاردا سىنالادى جانە قازاقستاننىڭ اۋە كەڭىستىگىن تاسالاۋ بويىنشا جاۋىنگەرلىك كەزەكشىلىكتى اتقارۋ ءۇشىن قازاقستان قارۋلى كۇشتەرى اقك اۋە شابۋىلىنا قارسى قورعانىس اسكەرلەرىنىڭ باعىنىشتى اسكەري بولىمدەرىنە جاراقتاندىرىلۋعا بەرىلەتىن بولادى»، — دەدى اۋە شابۋىلىنا قارسى قورعانىس اسكەرلەرىنىڭ قولباسشىسى گەنەرال-مايور نۇرجان مۇقانوۆ.

س-300پس زەنيتتىك-زىمىراندىق كەشەنى شاعىن تومەن ۇشاتىن نىسانالاردى جويۋ ءۇشىن ارنالعان.

اباي-اقپارات