Keshe Europarlament Armeniyagha EO-gha kandidat bolu statusyna qatysty qarardy qarastyrdy. Búl Armeniyagha aldaghy uaqytta EO-gha kiruge kandidat statusyn beruge mýmkindik ashatyn alghashqy qarar.

Qarardy 504 deputat qoldady, 4 deputat qarsylyq bildirip, 32 deputat qalys qalghan.  EO Armeniyagha ekonomikalyq reforma jasaugha kómektesetinin mәlimdedi.

Armeniyagha qatysty qabyldanghan qarargha Reseyding BÚÚ-daghy ókilderi búlqan-talqan boluda.

«Tek Ukraina ghana emes, Armeniya, Moldova, tipti, Afrikany qosa alghanda basqa elder de Europalyq odaq barlyq jerde qoldanatyn «antiyreseylik geosayasy optika» ýshin jýzdegen myng adamnyng ómirin qúrban etedi». Búl  BÚÚ Qauipsizdik Kenesining otyrysynda Reseyding úiym janyndaghy túraqty ókilining birinshi orynbasary Dmitriy Polyanskiyding aitqan sózi.

Búl Reseyding týrli lauazymdy shendilerining «antiyreseylik sayasat» ýshin ashyq genosidpen qorqytyp otyrghan alghashqy sózi emes.

«EO ózin bitimgershi jәne deldal retinde tanystyrugha barynsha tyrysady. Tipti Ukrainagha qatysty da osy ritorikany ústanugha tyrysuda. Al shyndap kelgende EO Ukrainadaghy qaqtyghysty toqtatqysy kele me?» - deydi Polyanskiy.

Osyghan baylanysty Polyanskiy búl mәselemen «bastapqy derekkózge», yaghni, kenes otyrysyna qatysyp otyrghan EO diplomatiyasynyng basshysy Jozep Borrelge jýginudi úsynady.

Polyanskiyding pikirinshe, «Euroodaq Ukrainadaghy janjaldy retteu ýshin emes, ol arqyly Reseyge meylinshe kóp ziyan keltiru ýshin, onyng strategiyalyq jenilisine qol jetkizu ýshin júmys istep otyr».

Ayta keteyik, jaqynda Armeniyanyng Syrtqy ister ministri Ararat Mirzoyan «TRT World» telearnasyna bergen súhbatynda óz elining Euroodaqqa kiru maqsatyn mәlimdegen bolatyn.

Armyan derekkózderining derekteri boyynsha, premier-ministr Nikol Pashinyan óz komandasyna biylghy kýzde EO-gha mýshelikke resmy ótinim beruge dayyndaludy tapsyrghan.

Resey ókilderi «Batysty ónirge tartqany» ýshin Armeniyany birneshe ret qorqytyp: «Mәskeu orbitasynan shyghu әreketteri Armeniyany kartadan memleket retinde alyp tastaumen ayaqtalady», - dep eskertken.

Atap aitqanda, Resey Armeniyanyng Ázerbayjanmen shekarasyn baqylau ýshin Euroodaqtyng azamattyq baqylau missiyasynyng elge keluin «óz mýddelerine qater» dep atady.

Mәskeu: «Batys Reseydi Ontýstik Kavkaz aimaghynan Armeniya arqyly yghystyrghysy keledi», - dep mәlimdeydi.

Abai.kz