Arab tenizinen esken jylymyq jelge betimdi tosyp palubada otyrmyn. Kemege minu aqysyn tólegen barlyq jolaushylar siyaqty men de óz erkindigimdi paydalanyp qalmaqpyn. Palubanyng osy túsynda ishimdik ishuge arnalghan shaghyn bary bar. Sonda túryp, kelushilerge qyzmet kórsetetin filipindik erkek pen qyrghyz qyzyn kemege mingen kýnnen bilem. IYә, qalaghanyndy satyp ishesin, tek evromen esep aiyrysugha mindettisiz. Aqshasyn qimaghandar shylymyn ghana tartyp, tenizdi tamashalaydy.

Men palubanyng jiyegindegi oryndy әdeyi tandap algham. Oqshaulau. Eshkimmen qatyspaysyn.

Ár aluan tilde sóilesken jolaushylardyng dauysy keme gýrilimen aralasyp týsiniksiz saryngha úlasyp, qúlaghyma keledi. Bar oiym tenizdi tamashalap, kemening birqalypty jýrisinen rahattansam deymin. Tolqynsyz tenizding súlulyghyna kózing toyyp, auadaghy ystyq lepten tәninning balbyray balqyghanyn sezinu ýshin de kóniling tynysh, alansyz bolu kerek qoy.

Tenizdi, әsirese, biraz tәuekelge baryp birshama aqshagha satyp alghan - qazirgi qiyalgha bergisiz sәtimdi sezingim kelgen sayyn ýp etken jelden úipalana beretin shashym kózime týsip mazamdy ketire bastaghan. Teniz betindegi jyltyraghan úsaq sәuleler kózimdi qaraqtyryp әketip barady. Álginde tartqan arzanqol arab shylymnyng ashy dәmi auzyma kelip jýregimdi lobytyp jiberdi. Ernim kebersigendey. Kóz aldyma múz sauytqa salynghan suyq syra elesteydi. Óz-ózimnen jútynyp qoyam. 10 evro tóleuge sarandyghym sonda da jibermeydi. Negizi, kaytamnan ishim pysqan song shyqqam joq-ty, arttaghy sheshimin kýtken kóp mәseleler mazalap, shylym tartyp sergigim kelgen.

Aqyry tolqynmen shaghylysqan jaryq shydatpady da kózimdi amalsyz palubagha qaray taydyryp әkettim. Menen eki metrdey jerde bir aghylshyn otyr eken. Oghan búlay týs toqtatyp qaramas ta em, eger onyng qayta-qayta auzyna aparghan qonyr qútydaghy syra dәl mening kómeyime qúiylyp jatqanday әser etpegende. Qara da túr, búl mynany bitiredi de alshang basyp bardaghy qyrghyz qyzgha ózine taghy bir qúty syra keregin aitady. Qyz, әriyne, «qandayy kerek?» - dep súraydy. Búl bolsa esh oilanbastan  10 evrogha taghy bir qútyny alady da ornyna kep jayghasady.

Elde jýrgende de әdiletsizdinting ne ekenin bilushi em. Biraq onyng dýniyening bir búryshynda, tenizde jýrgen jerimnen meni tauyp alady dep oilamappyn. Qaranyzshy, ekeuimiz de óz elimizde túraqty qyzmeti bar adambyz. Ol jalaqsyn funt sterlingpen, men tengemen alam. Al ekeuimiz osy kemede kezdesip birdey syragha tapsyrys bersek ol 10 evro túratyn syragha shamamen 8,6 funt sterling shyghyndaydy. Endi mening jaghdayymdy elestete beriniz. Álgi shynashaqtay qútynyng ishindegi qúryp ketkir pәleni qúshyrlana jútuym ýshin maghan baqanday 5800 tenge tóleuge tura kelmek. Qúdayshylyghyn aitynyzshy, qay kýnәm ýshin osynsha shyghyndaluym kerek?

Oylap otyrmyn, menimen salystyrghanda myna ózimsingen aghylshynnyng artyqshylyqtary, qúday biledi, keshe ózimiz toqtaghan jaghajaydaghy qúmynan da kóp shyghar. Tipti ol tenizge qarsa- tek tenizding ózin kóredi. Jybyrlaghan úsaq tolqyngha shaghylghan jaryq kózin qaryqtyrsa da mazasy qashpaydy. Auyz quysynda arzanqol shylymnyng sasyq iyisi joq. Kerek desen, qaltasynyng týbindegi aqshany eseptep jatqan joq. Kemeden týspey osy kýii syra iship bir jyl jýrse de búl aqshasynyng ýshten birin de júmsap bola almaytyn shyghar. Barlyq sharuany qayryp qoyyp, referendum ótkizumen-aq kedeylenip bitken mening ókimetimdi ol týsinde de kórgen emes. Búlardyng sharuasyn týp-túqiyanyna deyin sheship beretin premieri men parlamenti bar. Qamqorshy әkesi - karoli túrghanda shaytannyng ózi búnyng mazasyn alsyn ba?! Jalpy ol ózi adam bolyp uayymday ma eken?

Búdan ary otyra beruding mәni bolmady. Ornymnan kónilsizdeu túrdym da syranyng shólin kabinamdaghy jartylay bosaghan qútydaghy sumen basudan basqa amalym qalmaghanyna kózim anyq jetti.

Ámir Qabshyqbay

Abai.kz