Izraili men Amerika býgin taghy da Kaspiy ailaghyna shabuyl jasady. Iran jaghalauyndaghy strategiyalyq ortalyq Ánzәly portyndaghy әskery nysandardy atqylady. 19 nauryzda osy ailaqtaghy әskery kemelerdi soqqylaghan, keden tehnikalary men ghimarattary da zardap shekken. Kemelerge Reseyden әskery qúrylghygha jatatyn "qúpiya jýk" tiyelgeni habarlanghan.

Alghashqy soqqyny Izraili jalghyz jasasa, býgingi soqqygha Amerikanyng da ýn qosuy nazar audartady. Qaqtyghys aumaghynyng kenip kele jatqanyn kórsetetin kórinis. AQSh-tyng ýn qosuy onyng Kaspiy jaghalauyndaghy basqa elderdegi kompaniyalaryna da qauip. Ásirese, Ázerbayjan men Qazaqstandaghy AQSh kompaniyalaryna ýlken signal. Onyng ishinde Ázerbayjannyng Kaspiy mәselesinde AQSh-pen yntymaqtastyq ornatuy Irangha búryn da jaqpay kele jatqan.

Kaspiy qanshama әskery emes su aidyny retinde jariyalanghanymen, Reseyding kezinde Siriya oppozisiyasyn, keyin Ukrainany osy tenizden atqylauy saual tuyndatqan. Ánzaly men Astrahani arasynda әskery jýkting tasymaldanuy býgingidey soqqynyng bolaryn da andatqan. Múny Ázerbayjan sarapshylary soghystyng basynda-aq eskertken.

16 nauryzda Irannyng islam revolusiyasy saqshylary korpusy Kaspiy manyndaghy Týrkimenstan tәrizdi elderge de eskertu jasaghan. Sondaghysy - Úlybritaniyada ornalasqan Iran biyligine jaqpaytyn parsy tilindegi tәuelsiz telearnalardyng Týrkimenstan sputniktik jelileri arqyly habar taratuy únamaghan. Iran múnyng aqyry "әskery qimylgha" bastaytynyn eskertken.

Jalpy, 28 aqpanda Izraili men AQSh Irangha shabuyldar qarsanynda Týrkimenstangha AQSh әskery úshaqtarynyng qonuy da Resey men Irangha únamaghan. Tipti Venesueladaghy operasiyagha qatysqan Delita kýshteri de Týrkimenstangha ornalasqany aitylady. Biraq eshkim rastaghan joq, joqqa da shygharghan joq.

Shetelden Irannyng qazirgi biyligine jaqpaytyn parsy tilinde habar taratatyn arnalar barshylyq. Jәne olardyng bәrin sputniktik jeliden ghana emes, әleumettik jeli arqyly da kóruge bolady. Sondyqtan osy arnalardan habar taratugha mýmkindik jasadyng dep Týrkimenstangha kinә artuynyng ar jaghynda basqa da salmaqty mәseleler jatyr.

Sovet odaghy ydyraghan song Kaspiyding qúqyqtyq mәselesin aiqyndauda da Irannyng ústanymy әuelde qyryq qúbylghan. 2018 jyly Aqtauda bekigen qúqyqtyq mәrtebe turaly konvensiyagha Iran jaghalaudaghy kórshilerine qarsy kele almaghanymen, birden iylikpedi. Búl mәselede Irannyng jaghalau elderine ókpesi de bar. Konvensiyany әli ratifikasiyadan ótkizbey kele jatyr.

Songhy soghysta Qazaqstannyng Iran ayatollasy qazasyna kónil bildirmeui jәne Irannyng kórshi elderge shabuylyn aiyptauyn da Tegeran birden úmytpaq emes. Iran zymyrandarynyng radiusy Kaspiyding arghy-bergi jaghasyndaghy AQSh mýddesindegi nysandardy atqylaugha jetip túr. Sondyqtan Kaspiy jaghalauyndaghy elder ýshin Irandaghy soghys kәdimgidey qater úyalatyp otyr.

Múnyng syrtynda Qazaqstannyng Aqtau porty men Irannyng Ánzaly ailaghy bastatqan birneshe portymen arada alys-beris jolgha qoyylghan. Kelisimder bar. Tәjiriybeden de ótken baghyt. Ol jaqtan keletin import ónimder men Qazaqstannan Irangha eksporttalatyn shiykizatttar da osy Ánzaly arqyly tasymaldanady. Kaspiyding Iran jaghalauyna shabuyly osy túrghyda Qazaqstangha da zardabyn tiygizip otyr.

Quanyshbek Qariy

Abai.kz