Atyrau oblysynda búrynghy júbayynyng tórt tuysyn óltirdi dep aiyptalghan Súltan Sәrsemaliyevke qatysty qylmystyq is sotqa joldandy.

Isti qarau 18 mamyrgha belgilengen. Búl prosesti Yana Legkodimovanyng ólimine qatysty rezonansty is boyynsha ýkim kesken mamandandyrylghan audanaralyq qylmystyq sottyng sudiyasy Zarema Hamidullina jýrgizedi. Kýdikti Sәrsemaliyevke kisi óltirip qana qoymay, marqúmdardyng atynan tuystarymen hat jazysyp, mal-mýlkin saudalady degen aiyp taghylyp otyr.

Tergeu mәlimetteri boyynsha, aiyptalushy qylmys jasaghannan keyin Indoneziyagha ketip qalghan. Ol jaqta jýrip, ózin óltirilgen adamdar retinde tanystyryp, olardyng jaqyndaryn adastyrumen ainalysqan. Sot barysynda osy derekter men oqighanyng basqa da mәn-jaylary zerdelenedi.

Sudiya Zarema Hamidullina búghan deyingi Yana Legkodimovany ólimine qatysty sot prosesinde qylmyskerlerding is-әreketine qatysty bylay dedi:

«Olar búl qadamgha sanaly týrde bardy. Adam ómirin 500 myng tengege baghalady. Birneshe kýn qatarynan sizder kisi óltiru tәsilin — qatygezdikpen, kelekemen, kýle otyryp talqyladynyzdar. Sizderdi onyng jaghdayy emes, tek ústalmay qalu joly ghana alandatty. Barlyq prosess boyy men olardyng hat-habarlaryna qatysty týsinikteme kýttim, biraq olar jauap beruden bas tartty. Búl — olardyng qúqyghy. Sizderde múnshalyqty qatygezdik pen óshpendilikting qaydan payda bolghanyn týsinbeymin. Otyrys kezinde jaqyndarynyz turaly jii aittynyzdar, biraq búl turaly qylmystan keyin emes, oghan deyin oilau kerek edi».

Derekkózi: qaz365.kz

Abai.kz