ҚР Мәдениет және ақпарат министрлігі жас қаламгерлерге байқау жариялады! Байқау: «Ерлік пен еңбек дастаны» деп аталады.

Қазақ қоғамындағы, Қазақстан қоғамындағы еңбек адамының маңыздылығын насихаттауды мақсат тұтқан байқауға еліміздің талантты авторлары қатыса алады.

Байқауға өтінімдер 1 қазаннан бастап қабылданып, қорытындысы келер жылдың 25 қазанында шығарылмақ. Яғни, Республика күніне тұс байқау жеңімпаздары марапатталады.

Мемлекет өмірінің ең маңызды тұлғалары - бұл еңбек адамдары. Өздерінің адал еңбек, маңдай терлерімен отбасын асырап, қажырлы еңбегімен ел дамуына үлес қосып жүрген әрбір азамат ұлықталуға, насихатталуға тиіс.

Еңбек адамы дегеніміз кім? Ол сіз бен біз! Ол - аяулы ұстаздар, ардақты дәрігерлер, кеншілер, шаруалар, құрылысшылар, журналистер, музыканттар, кітапханашылар т.б. түрлі саланың мамандары!

Abai.kz