Қазақстандық қалалардың даму тәжірибесі Өзбекстандағы ARCHICA 2026 көрмесінде ұсынылады.

6-7 сәуірде Ташкентте ARCHICA 2026 халықаралық сәулет конгресінің бірінші кезеңі өтеді. Іс - шараға Қазақстан делегациясы-өңірлік әкімдіктердің, сәулет және бейіндік ұйымдардың өкілдері, сондай-ақ урбанистика және экология саласының сарапшылар қатысады.

ARCHICA- қалаларды дамытудың практикалық тетіктері талқыланатын алаң, оның ішінде  жобалау мен инвестициялаудан бастап климаттық бейімделуге және тұрақты инфрақұрылымға дейінгі мәселелер қозғалады.

Сондықтан қазақстандық тараптың  шараға қатысуы тәжірибе алмасуға қарағанда ауқымдырақ қарастырылмақ. Қалалық командалар үшін бұл өз ұстанымдарын халықаралық практикамен салыстырып, сонымен бірге осы жылдың 5-6 қазанында Астанада өтетін конгрестің екінші кезеңіне дайындалу мүмкіндігі болмақ.

Жалпы пікірталастың  биылғы  басты тақырыбы - "Су коды". Су, климат және олардың сәулет пен қалалық ортаға әсері басты назарда. Іскерлік бағдарлама қолданбалы мәселелерді қамтымақ. Атап айтқанда, қалалардың бірегейлігін қалыптастыру, сәулет жобаларына инвестициялар тарту, жобалау кезеңінде климаттық және су факторларын есепке алу, сондай-ақ жобаларды іске асырудың құқықтық және басқарушылық аспектілері туралы сөз етілмек.

Шараға қатысушылар осы факторлардың қала құрылысы принциптерін қалай өзгертетінін және қандай шешімдер қалаларды жаңа жағдайларға бейімдеуге мүмкіндік беретінін талқылайды.

Талқылауға жетекші халықаралық және өңірлік сарапшылар - сәулетшілер, девелоперлер, инвесторлар, UN-Habitat қоса алғанда, қалалық әкімшіліктер мен халықаралық ұйымдардың өкілдері қатысады.

Спикерлер қатарында - Гарри Доббс (Harry Dobbs Design, Ұлыбритания), Ирина Ваганова (Orange Architects, Нидерланды), Алексей Боев (IDENTITY.IN, Neutelings Riedjik Architects, Нидерланды), Мэттью Франц (Frantz Slater Design Collective, Ұлыбритания), Лесли Грей (Barker Langham, Ұлыбритания), Мария Султанова (САД студиясы , Өзбекстан), Бобир Клычев (ARC Architects, Өзбекстан).

Мәселелерді талқылауға Жаңа Ташкент құрылысы жөніндегі Дирекция басшылығы, сондай-ақ Орталық Азиядан келген сарапшылар, оның ішінде бас сәулетшілер мен "жасыл" құрылыс және урбан-экономика мамандары қатысады.

Сонымен қатар, ARCHICA 2026-ға қатысуды Қазақстан мен Өзбекстанның мемлекеттік органдарының өкілдері растады: Өзбекстан Республикасының құрылыс және тұрғын үй-коммуналдық шаруашылық министрінің орынбасары Давронжон Әділов; Қазақстан Республикасы өнеркәсіп және құрылыс министрлігінің құрылыс және тұрғын үй-коммуналдық шаруашылық істері комитетінің төрағасы Бақытжан Жүнісбеков. Сондай-ақ, Конгреске Жамбыл, Қарағанды, Павлодар, Атырау, Қызылорда облыстары мен Тараз және Өскемен қалаларының сәулет және қала құрылысы басқармаларының басшылығы қатысады; Жамбыл, Қызылорда облыстары мен Атырау қаласының әкімдіктері және басқа да көптеген мемлекет қайраткерлері.

Конгресс "НИПИ Астанагенплан" ЖШС, Өзбекстан Сәулетшілер одағы, Астана урбанистика орталығы, Habitat Academy және БҰҰ-ның елді мекендер жөніндегі бағдарламасының (UN-Habitat) қолдауымен өтуде.

ARCHICA 2026 кәсіби ортаны қалыптастырады, онда талқыланатын идеялар  оларды аймақтағы қалаларда одан әрі жүзеге асырумен тікелей байланысты.

Abai.kz