بيلىك پەن بيزنەستەگى توپتاردىڭ اراسىنداعى الاۋىزدىقتى شەبەر پايدالانىپ، تاپسىرىسپەن سەنتسيالىق ماقالالار جازاتىن  «ۆرەميا» دەيتىن گازەت بار. سول گازەتتى الىس اۋىلداعى ءبىر مەكتەپتىڭ بىتپەي جاتقان جوندەۋ جۇمىسى تولعاندىرا قالىپتى. الگى مەكتەپ تازا قازاق تىلىندە ءبىلىم بەرەتىن مەكتەپ ەكەن. اپىر-اي، دەستىك باسىندا. «ۆرەميا»» دا قازاق ماسەلەسىنە دەن قويا باستاپتى-اۋ؟» سويتسەك، ماسەلەنىڭ ءمانى مىنادا بولىپ شىقتى. تومەندە جاي-جاپسارى باياندالاتىن مەكتەپتە ءبىلىم جانە عىلىم ءمينيسترى باقىتجان جۇماعۇلوۆ (سۋرەتتە) وقىپتى. ال، جۇماعۇلوۆ وقىعان مەكتەپتەن ماسەلە كورە قالعان «ۆرەميا» وتكەندە    اشىق حاتقا قول قويعان ۇلت جاناشىرلارىنا قارسى پىكىرلەردى قارشا بورتىپ ەدى. قازاق جەرىنىڭ قازبا بايلىعىن وڭدى-سولدى شاشىپ، مەلدەكتەپ بايىعان كارىس دياسپوراسىنىڭ الپاۋاتتارى اسىراعان گازەت بىرەر جىلدىڭ شيرەگىندە بيلىكتىڭ مەنشىگىنە وتكەن بولاتىن. بىراق، باياعى اۋەنىنەن ەش جاڭىلعان ەمەس.  گازەت قالىپتاسقان ءداستۇرى بويىنشا، جۇماعۇلوۆقا جۇدىرىعىن بىلەپ وتىرعان بىرەۋدىڭ اۋزىنداعىسىن جۇلىپ الىپ «شكولا پۋستوسلوۆيا» (http://www.time.kz/index.php?module=news&newsid=23628) دەگەن تاقىرىپپەن ماقالا جاريالاپتى. اتالعان ماقالا «ۆرەميادا» جاريالانىپ كەتىسىمەن مەكتەپ ۇجىمى ىڭعايسىز جاعدايعا قالعاندارىن ايتىپ جانۇشىرا ءبىزدىڭ رەداكتسياعا قوڭىراۋ شالدى.

بيلىك پەن بيزنەستەگى توپتاردىڭ اراسىنداعى الاۋىزدىقتى شەبەر پايدالانىپ، تاپسىرىسپەن سەنتسيالىق ماقالالار جازاتىن  «ۆرەميا» دەيتىن گازەت بار. سول گازەتتى الىس اۋىلداعى ءبىر مەكتەپتىڭ بىتپەي جاتقان جوندەۋ جۇمىسى تولعاندىرا قالىپتى. الگى مەكتەپ تازا قازاق تىلىندە ءبىلىم بەرەتىن مەكتەپ ەكەن. اپىر-اي، دەستىك باسىندا. «ۆرەميا»» دا قازاق ماسەلەسىنە دەن قويا باستاپتى-اۋ؟» سويتسەك، ماسەلەنىڭ ءمانى مىنادا بولىپ شىقتى. تومەندە جاي-جاپسارى باياندالاتىن مەكتەپتە ءبىلىم جانە عىلىم ءمينيسترى باقىتجان جۇماعۇلوۆ (سۋرەتتە) وقىپتى. ال، جۇماعۇلوۆ وقىعان مەكتەپتەن ماسەلە كورە قالعان «ۆرەميا» وتكەندە    اشىق حاتقا قول قويعان ۇلت جاناشىرلارىنا قارسى پىكىرلەردى قارشا بورتىپ ەدى. قازاق جەرىنىڭ قازبا بايلىعىن وڭدى-سولدى شاشىپ، مەلدەكتەپ بايىعان كارىس دياسپوراسىنىڭ الپاۋاتتارى اسىراعان گازەت بىرەر جىلدىڭ شيرەگىندە بيلىكتىڭ مەنشىگىنە وتكەن بولاتىن. بىراق، باياعى اۋەنىنەن ەش جاڭىلعان ەمەس.  گازەت قالىپتاسقان ءداستۇرى بويىنشا، جۇماعۇلوۆقا جۇدىرىعىن بىلەپ وتىرعان بىرەۋدىڭ اۋزىنداعىسىن جۇلىپ الىپ «شكولا پۋستوسلوۆيا» (http://www.time.kz/index.php?module=news&newsid=23628) دەگەن تاقىرىپپەن ماقالا جاريالاپتى. اتالعان ماقالا «ۆرەميادا» جاريالانىپ كەتىسىمەن مەكتەپ ۇجىمى ىڭعايسىز جاعدايعا قالعاندارىن ايتىپ جانۇشىرا ءبىزدىڭ رەداكتسياعا قوڭىراۋ شالدى. مەكتەپ ديرەكتورى ەركىن قۇرمابەكوۆتىڭ سوزىنە سەنسەك، ول «ۆرەميا» گازەتىنىڭ ءتىلشىسىن مۇلدە كورمەگەنگە  ۇقسايدى. «ماعان «ۆرەميانىڭ» ەمەس، «ليتەر» گازەتىنىڭ ءتىلشىسى كەلىپ جولىقتى. ءبىر قىزىعى الگى ءتىلشى مەكتەپتىڭ ىشىنە كىرگەن سوڭ ءوزىن «ىزگىلىك» اتتى گازەتتىڭ ءتىلشىسىمىن» دەپ تانىستىردى»، - دەيدى. سوندا قىرداعى اۋىلدى كەزىپ جۇرگەن كىم؟ ءجا، ونى «ۆرەميانىڭ» قوعامدىق ءتىلشىسى دەگەننىڭ وزىندە سۇحبات الۋشىنىڭ باسقا، ياعني، سەرگەي استاشەۆ بولىپ شىققانى قالاي؟ «بۇل ارادا  قوعامدىق ءتىلشىنىڭ جازۋى رەداكتسيانىڭ قالاۋىنان شىقپاعان سوڭ تۇزەلىپ-كۇزەلىپ، تۇپكىلىكتى ماقساتقا وراي يكەمدەلىپ باسىلعان دەۋگە نەگىز بار. ايتپەسە، استاشەۆ اياعىمەن كەلىپ، كوزىمەن كورمەگەن جايدى قالاي جازادى؟»، - دەيدى مەكتەپ ديرەكتورى. قىسقاسى،  ماسەلەنىڭ ءمان-جايىن بايان ەتسەك بىلاي:     اقسۋ اۋدانىنا قاراستى (الماتى وبلىسى) قاپال اۋىلىنداعى  ورتا مەكتەپ وقۋشىلارى بيىلعى جاڭا وقۋ جىلىن كاسىپتىك ليتسەيدە باستادى. سەبەبى، عالي ورمانوۆ اتىنداعى ورتا مەكتەپكە كۇردەلى جوندەۋ جۇرگىزىلىپ جاتىر. تاريحى ارىدەن باستالاتىن وقۋ ورداسىنان قازىرگى ءبىلىم ءمينيسترى باقىتجان جۇماعۇلوۆ تۇلەپ ۇشقان. جاقىندا «ۆرەميا» گازەتىنىڭ تىلشىلەرى ءبىلىم ءمينيسترىنىڭ ءبىلىم العان ۇياسىنا ساپار شەگىپ قايتىپتى. جوندەۋ جۇمىستارى ءبىتىپ بولماعان مەكتەپتى تۇيرەپ وتكىسى كەلگەن ولار قىركۇيەك ايىنىڭ 17-ءى كۇنگى نومىرىنە «شكولا پۋستوسلوۆيا» دەگەن تاقىرىپپەن ماقالا جاريالادى.  ماقالادا قاپالدىق وقۋشىلاردىڭ  قورلىق كورىپ وتىرعانى، پارتانىڭ ورنىنا ءالى كۇنگە دەيىن قۇرىلىس اعاشتارى سامساپ جاتقانى جازىلعان.   ال، رەداكتسيامىزعا حابارلاسقان اتالعان مەكتەپ ديرەكتورى ەركىن قۇماربەكوۆ بولسا،  بىلاي دەيدى:

- بىرىنشىدەن، ءبىزدىڭ بالالار ەشقانداي دا قىسىم كورىپ وتىرعان جوق. اۋىلداعى №12 ليتسەيدە ەكى اۋىسىممەن وقىپ جاتىر.  ليتسەيدىڭ ديرەكتورىنا كوپ راحمەت.  ەكىنشىدەن، «ۆرەميا» گازەتىنەن كەلىپ ەشكىم مەنەن سۇحبات العان جوق. اۋىلعا كەلگەن جۋرناليستتەر الدىمەن «ليتەر» گازەتىنەنبىز دەدى. ال،  مەكتەپ ىشىنە كىرگەن سوڭ سوزدەرىنەن تايقىپ، «ىزگىلىك» اتتى گازەتتىڭ تىلشىلەرىمىز دەپ سايرادى. سونداي اق، ماقالا اۆتورى سەرگەي استاشوۆتى مەن كورگەن ەمەسپىن. بىزدەن سۇحبات العان قىز بالا ءوزىن ساندۋعاش دەپ تانىستىرىپ ەدى. مەنىڭ سوزدەرىمنىڭ ءبارىن بۇرمالاپ بەرىپتى. بۇيىرسا، ءبىرىنشى توقسان اياقتالىسىمەن، «ينە جىپتەن قايتا شىققان» مەكتەبىمىزبەن قاۋىشامىز. اۋىل الاقانداي بولعاسىن، ليتسەيدى الىسسىنىپ، قينالىپ جۇرگەن وقۋشىنى كورگەن ەمەسپىن. تومەنگى سىنىپ وقۋشىلارىن جەتەكشىلەرى جەتكىزىپ سالادى ۇيلەرىنە. «ۆرەميانىڭ» بۇرا تارتىپ، تىم اسىرىپ جىبەرگەنى بولمادى.
راسى كەرەك، «ۆرەميانى» قاپال اۋىلىنداعى ءبىلىم وشاعىنىڭ حال-احۋالى قىزىقتىرىپ وتىر دەۋ قيسىنسىز. ەگەر، تاپ سولاي بولسا، «ۆرەميا» الماتىدا ەكى-ءۇش اۋىسىممەن وقىپ جۇرگەن قازاق بالالارىنىڭ جاي-كۇيىن، قازاق مەكتەپتەرىنىڭ ازدىعىن، ماتەريالدىق بازاسىنىڭ ورىس مەكتەپتەرىمەن سالىستىرۋعا كەلمەيتىندىگىن جازسىن. ءبىلىم ءمينيسترىنىڭ نازارىن وسى جايتكە اۋدارسىن. كەرەك بولسا، «قۋىرىپ جەسىن». جوق، اياۋلى ءام ازۋلى گازەتىمىز بۇل تاقىرىپقا اتتاپ باسپايدى.   ەندەشە «ۆرەميا» ءۇشىن اڭگىمە قاپالداعى مەكتەپتىڭ بىتپەي جاتقان جوندەۋ جۇمىسىندا ەمەس، جۇماعۇلوۆتا بولىپ تۇر. ال، جۇماعۇلوۆقا جۇدىرىق ءتۇيىپ وتىرعان كىم؟ ونى انىقتاۋدى الداعى كۇننىڭ ەنشىسىنە قالدىرا تۇرايىق. ويتكەنى تاپسىرىس يەسىن تانۋ تۇكتە قيىن ەمەس.  سوندىقتان جۇماعۇلوۆتىڭ وپپەنەنتىن گورى ءبىز «ۆرەميا» سياقتى ءورىستىلدى سارجاعال باسىلىمدار  قاشانعا دەيىن قازاق قوعامىن بىلىقتىرا بەرەدى ەكەن دەيتىن ساۋالعا جاۋاپ ىزدەۋگە ءتيىسپىز. 
«اباي-اقپارات»