قازاقستانعا شەت ەلدەردەن كەلەتىن ينۆەستيتسيا كولەمى ءبىر جىل ىشىندە 2,8%-كە ازايعان. بۇل تۋرالى LS سايتى جازدى.

الەمدىك داعدارىستىڭ سالدارىنان ينۆەستورلار ءتۇرلى اكتيۆتەر مەن سالالارعا سالىناتىن ينۆەستيتسيالاردى ازايتۋعا ءماجبۇر.

ۇلتتىق بانكتىڭ مالىمەتىنشە، 2020 جىلدىڭ 1 ساۋىرىندەگى جاعداي بويىنشا قازاقستانعا 157,4 ملرد دوللار تۇسكەن. بۇل 2018 جىلدىڭ وسى كەزەڭىمەن سالىستىرعاندا 4,6 ملرد دوللارعا از نەمەسە 2,8%-كە تومەن.

ادەتتەگىدەي، قاراجاتتىڭ باسىم بولىگى نيدەرلاندىدان جىبەرىلدى - $ 59,8 ملرد، بىراق ءبىر جىل ىشىندە بۇل ەلدەن كەلەتىن قارجىلاندىرۋ كولەمى 9,5%-كە تومەندەدى. ەكىنشى ورىندا اقش تۇر - 37,1 ملرد دوللار (+ 11,4%). ال ءۇشىنشى ورىندا 13,3 ملرد دوللارمەن فرانتسيا تۇر.

قاداعالاۋشى ورگاننىڭ مالىمەتتەرى بويىنشا، قىتايدان كەلەتىن ينۆەستيتسيا كولەمى - 26,3% -عا، ليۋكسەمبۋرگتەن كەلەتىن ينۆەستيتسيا كولەمى - 18,7% -عا، ۇلىبريتانيادان كەلەتىن ينۆەستيتسيا كولەمى  - 18,4% -عا جانە گونكونگتان كەلەتىن قارجىلاندىرۋ كولەمى - 15,4% -عا ازايعان.

الايدا، بەرمۋد ارالدارىنان قازاقستانعا سالىنعان ينۆەستيتسيالار ءبىر جىل ىشىندە 55%-كە ءوستى.

Abai.kz