بۇگىن - قىرعىزستاندا كوروناۆيرۋستان قايتىس بولعانداردى ۇلتتىق ازا تۇتۋ كۇنى. 

«بۇگىن – ەلىمىزدە كوروناۆيرۋستان قايتىس بولعانداردى ۇلتتىق ازا تۇتۋ كۇنى. بۇل كۇنى بارلىق قىرعىزستاندىقتار كوروناۆيرۋس ينفەكتسياسىنان كوز جۇمعان ادامداردىڭ بارلىعىن ەسكە ءتۇسىرىپ، ولاردىڭ وتباسىلارى مەن جاقىندارىنا كوڭىل ايتادى. الەمنىڭ بارلىق ەلدەرىن جاۋلاپ العان دەرت قىرعىزستان ەلىنە دە كوپ قايعى اكەلدى، ءبىز ازاماتتارىمىزدان ايىرىلدىق. اۋرۋ سالدارىنان كوپتەگەن قىرعىزستاندىقتاردىڭ اتا-اناسى، بالالارى، تۋىستارى مەن جاقىندارى دۇنيەدەن ءوتتى. ىندەت ەلگە ورنى تولماس قازا اكەلدى», - دەدى قىرعىز پرەزيدەنتى سوورونباي جەەنبەكوۆ.

وسىعان وراي، مەملەكەت باسشىسى قاسىم-جومارت توقاەۆ قىرعىزستان پرەزيدەنتى سوورونباي جەەنبەكوۆكە جانە ەل حالقىنا ۇلتتىق ازا تۇتۋ كۇنىنە بايلانىستى كوڭىل ايتتى.

«قازاقستان حالقى اتىنان جانە جەكە ءوز اتىمنان ۇلتتىق ازا تۇتۋ كۇنىندە كوروناۆيرۋستىق پاندەميا قۇربانى بولعان باۋىرلاس قىرعىزستان ازاماتتارىن ەسكە الۋ كۇنىندە شىن جۇرەكتەن قولداۋ بىلدىرگىم كەلەدى. وسى قيىن-قىستاۋ ساتتە، ورنى تولماس شىعىننىڭ قاسىرەتىمەن ءبولىسىپ، قايتىس بولعان ادامداردىڭ تۋىستارى مەن جاقىندارىنا قايعىرا كوڭىل ايتامىن. جانە بۇگىندە وسى قاۋىپتى اۋرۋمەن كۇرەسىپ جاتقان جانداردىڭ بارىنە تەزىرەك ساۋىعىپ كەتۋدى تىلەيمىن»، - دەدى توقاەۆ.

سونىمەن قاتار، قاسىم-جومارت توقاەۆ قىرعىز باسشىلىعى قابىلداعان باتىل شارالار، قىرعىز حالقىنىڭ بىرلىگى مەن جاقىن بولاشاقتا ەلدەگى ەپيدەميولوگيالىق جاعدايدى تۇراقتاندىرۋعا كومەكتەسەدى دەگەن سەنىمىن ءبىلدىردى.

ول سونداي-اق، قازاقستان بۇرىنعىداي كورشى رەسپۋبليكاعا بارىنشا كومەك كورسەتۋگە دايىن ەكەندىگىن جەتكىزدى.

سوڭعى مالىمەتتەر بويىنشا، قىرعىزستاندا 34 592 ادام كوروناۆيرۋس جۇقتىرعان. 22 296 ساۋىعىپ، 1337 ناۋقاس قايتىس بولدى.

Abai.kz