قوستانايدا كەشەدەن بەرى الاپات ءورت بولىپ جاتىر. قىركۇيەكتىڭ ەكىسى كۇنى تۇسكى ساعات 13.21 شاماسىندا "اۆتوماگنات" دۇكەنى اۋماعىندا اۆتوكولىك دوڭگەلەگىنىڭ قاقپاقتارى ورتەنىپ جاتقانى انىقتالدى. توتەنشە جاعدايلار دەپارتامەنتىنىڭ دەرەگىنشە، ءورتتىڭ كۇشەيۋىنە اۋا تەمپەراتۋراسىنىڭ جوعارى بولۋى جانە قاتتى جەل اسەر ەتكەن.

بۇگىن ساعات تۇسكى ساعات 11.20 كەزىندە نازارباەۆ داڭعىلىندا ورنالاسقان «ورۋجەينايا پالاتا» دۇكەنى وتقا ورانىپ، ءورت «يۋگ» تەحنيكالىق بايقاۋ ستانتسياسى مەن جاپسارلاس ورنالاسقان اسحانانى جايلاعان.

سونداي-اق، 8 جەكە تۇرعىن ءۇي مەن جاقىن ماڭداعى ەكى اۆتوكولىككە زيان كەلگەن.

«قارۋ-جاراق دۇكەنى يەسىنىڭ ايتۋىنشا، جەرتولەدە 2 ادام بار، وق-دارىلەر جارىلۋى مۇمكىن، سوندىقتان جەكە قۇرام دۇكەنگە كىرە المايدى. وقشاۋلاۋ جانە جويۋ مۇمكىن ەمەس. ءورتتىڭ شىعۋ سەبەبى انىقتالۋدا", - دەپ حابارلادى تجد.

كەيىن بەلگىلى بولعانداي، قوستانايدىڭ اۋليەكول، ۇزىنكول جانە قارابالىق اۋداندارىندا ءىرى ءورت شىققان. تجد ليساكوۆسكى ەلدى مەكەنىندەگى ساياجايلار مەن نوۆونەجينكا اۋىلىنداعى ورمان ورتەنىپ جاتقانىن راستاعان. سونداي-اق قوستانايداعى ءورتتى ءسوندىرۋ ءۇشىن سولتۇستىك قازاقستان، اقمولا جانە قاراعاندى وبلىستارىنان كومەككە ءورت سوندىرۋشىلەر جىبەرىلەتىنى ايتىلدى.

Abai.kz