ەلىمىز ەكىنشى دۇنيەجۇزىلىك سوعىستىڭ ءتامام بولعان كۇنىنە وراي اسكەري سالتاناتتى شەرۋ وتكىزۋدەن تاعى دا باس تارتتى. مۇنى قر قورعانىس مينيسترلىگى مالىمدەدى.

قۋانتاتىنى سول، اتالمىش مينيسترلىك 2019 جىلدان بەرى جىل سايىن «شەرۋ بيۋدجەت قاراجاتىن ۇنەمدەۋ جانە باسقا دا ماسەلەلەردى شەشۋ قاجەتتىلىگىنە بايلانىستى جوسپارلانباعانىن» ايتىپ كەلەدى. پوستكەڭەستىك ەلدەردىڭ اراسىندا «باس تارتۋ» ءۇردىسى بەلەڭ العالى قاشان!

9-مامىر بولسا تمد ەلدەرىنىڭ باسشىلارىن تۇگەل شاقىرىپ الاتىن پۋتين كەيىنگى شەرۋدە «دۇنيەجۇزىندەگى ەكىنشى قۋاتتى اسكەرىنە» قۋ تىزەسىن قۇشاقتاپ قاراپ وتىرعان. كرەملباسى بۇل جولى دا قىرىق جاماۋ تانكىسى تۇمسىعىنا ءسۇرىنىپ الدىنان ءوتىپ بارا جاتقاندا ءوز كولەڭكەسىنە قورقاسوقتاپ قاراپ قويىپ، «ۇلى ورىس الەمى جايلى اسقاق ارمانىن» كەزەكتى رەت ايقايلاپ ايتاتىن بولار. ويتكەنى ءۇشبۋ شەرۋ – ءشوۆينيزمنىڭ شوعىن ۇرلەۋگە ارنالعان قۇرال عانا. ال پۋتين رەسەي تۇرعىندارىن تەك يمپەراليستىك يدەيالارمەن «ۇستاپ وتىرعانىن» ءسىز دە، ءبىز دە، ءتىپتى وزدەرى دە جاقسى بىلەدى.

Abai.kz