ءدال قازىر الەم نازارى ورىستىڭ، اقش-تىڭ جانە قىتايدىڭ ورتالىق ازيا مەملەكەتتەرىن ءوز ىرقىنا قالاي باعىندىرۋعا تىرىسىپ جاتقاندىعىندا.

كسرو تاراعان سوڭ، بۇل ەلدەردى ءوزىنىڭ ەكونوميكالىق ۆاسسالىنا اينالدىرۋدى قىتاي بىردەن قولعا الدى. اقش تەك تابيعي رەسۋرستارىن ءوز باقىلاۋىنا الىپ، دەموكراتيالىق قۇندىلىقتارىن تىقپالاۋمەن شەكتەلسە، رەسەي ورىس بارلاۋىن پايدالانىپ، جوعارى شەندى شەنەۋىنىكتەردى كومپراماتپەن بايلاپ ماتادى.

وسى ءۇش ءتۇرلى ساياسي-ەكونوميكالىق شارعى ءوز ناتيجەسىنەن مولىنان بەردى. اتالعان مەملەكەتتەردىڭ باسشىلىعى مەن بيلىگى ءۇش جاققا بىردەي جاعۋدىڭ ساياسي تەحنولوگياسىن مىقتاپ مەڭگەرگەندەرى سونداي، وتاندىق جانە شەتەلدىك ساياساتتانۋشىلار ءوز ساراپتامالارى مەن تالداۋلارىندا نەگە سۇيەنەرلەرىن بىلمەي دال بولدى. ويتكەنى، وا باسشىلارى ءۇش كۇشتىڭ دە كوڭىلىن تاۋىپ، ەكونوميكاسىن ىلگەرتۋ ءۇشىن قارجى كوزىن ينۆەستيتسيا رەتىندە تارتا ءبىلدى.

رف ۋكرايناعا سوعىس اشقانىنان سوڭ، وسى ايماقتاعى ساياسي ويىن الاڭىندا تەك اقش پەن قحر عانا قالدى. بۇرىن اياعىن اڭداپ باسقان قىتاي جاعىنىڭ وا ەلدەرىنە سالعان ءدال ءۇازىر $63 ملرد اسىپ جىعىلىپ وتىر. بۇل باتىس پەن اقش شىمبايىنا قاتتى باتۋدا.

قازىر قىتاي ءبىر ەمەس ءۇش تىزگىندى، اتاپ ايتساق، ينۆەستيتسيا، ساۋدا جانە ديپلوماتيانى قولىنا ۇستاپ، اقش كەلسەڭ كەل دەپ وتىرعان جايى بار.

رەسەيدەن بوساعان كەڭىستىكتى قىتايدان تارتىپ الۋ ءۇشىن اقش پەن باتىس قانداي قادامعا بارۋى مۇمكىن دەگەن ساۋال ءار قازاقتىڭ كوكەيىندە ءجۇر. قىتاي ساياسي-ەكونوميكالىق شاحمات تاقتاسىندا ءوز ءجۇرىسىن جاسادى. ەندىگى ءجۇرىس باتىستان...

Abai.kz