1 قىركۇيەك ەلىمىز ءۇشىن تەك ءبىلىم كۇنى عانا ەمەس، جاڭا ساياسات ماۋسىمى دا بولىپ تابىلادى. بۇلاي دەيتىنىمىز ءماجىلىس سپيكەرى ەرلان قوشانوۆ پارلامەنت پالاتاسىنىڭ بىرلەسكەن وتىرىسىن ءداپ وسى كۇنى شاقىرىپ وتىر. 

ۇزىنقۇلاققا سەنەر بولساق، ءبىلىم كۇنىمەن قوسارلاستىرا شاقىرىپ وتىرعان سەبەبى – «باستان قۇلاق ساداعا» دەگىزىپ، ۇكىمەتتى تۇتتاستاي دوعارىسقا كەتىرۋ ەمەس، قازىرگى پرەمەر-مينيستر ءاليحان سمايىلوۆتىڭ ورنىنان الۋ ءۇشىن ىستەلىنىپ وتىرعان قام-مىس.

ەندەشە سمايىلوۆتىڭ ورنىنا كىم تاعايىندالۋى مۇمكىن؟ بوساعان جىلى ورىنعا قونجياتىندار اراسىندا ەرلان قوشانوۆ، مۇرات نۇرتىلەۋ، نۇرلان نوعاەۆ جانە ەربولات دوساەۆ ەسىمدەرى اتالىپ ءجۇر.

وسى كۇزدە بولجانىپ وتىرعان پرەمەر-مينيستر ءاليحان سمايىلوۆتىڭ دوعارىسىنان كەيىن ۇكىمەتتى كىم باسقاراتىنى تالقىلانا باستاعان شاقتا، اقوردا كەزەكتى رەت كادر تاپشىلىعىنا كەزىگىپ وتىر دەپ جازادى ساراپشىلار. ءابىجىل قيمىلدايتىن ەپتى باسشى تابىلماعاننان كەيىن، بۇرىنعى كارتالاردى قايتا ارالاستىرعان شاقتا «قوشانوۆ-نوعاەۆ-دوساەۆ» ۇشتاعانى ەل نازارىنا ىلىكتى.

قالتارىستاعى قۋىرشاق ويناتۋشىلار نۇرلان نوعاەۆ كانديداتۋراسىن دۇرىس دەپ تاپقان سياقتى. نوعاەۆتىڭ ءوزى سوڭعى رەت مەملەكەت باسشىسىنا كىرگەندە، وسى ماسەلەلەردىڭ دە ءسوز بولعانىن جايىپ تا سالدى.

بارعان جەرىنە ءشوپ شىقپايتىن نوعاەۆ ءداۋىرى تۇسىندا گۇلدەنەمىز بە، الدە شولدەنەمىز بە؟ دەگەن ويعا قالاتىن بولامىز.

ەگەر ول ەمەس قالعان ەكەۋدىڭ ءبىرىنىڭ جولى بولسا شە!؟..ءسىز قالاي ويلايسىز؟

Abai.kz