داريعانىڭ لوندوندا جاسىرىپ وتىرعان قۇنى 50 ميلليون فۋنت ستەرلينگكە باعالانعان سارايى تابىلعاننان كەيىن «ەسكى قازاقستان» «جاڭا قازاقستاننان» وسى اكتيۆكە تيىسپەۋ بويىنشا ءوتىنىشىن جەتكىزدى، دەپ جازادى DALA INSIDE.

بۇل داريعانىڭ جاندى جەرى بولىپ وتىر. بىراق، قازىرگى قازاقستانداعى بيلىك ەشتەڭە ىستەمەسە دە، انگليانىڭ ءوزى تۇسىنىكسىز جولمەن كەلگەن كاپيتالدار مەن اكتيۆتەردى تاركىلەي باستادى. ەۋروپاداعى تاۋەلسىز جۋرناليستەردىڭ نازارباەۆ وتباسىنىڭ بارلىق اكتيۆتەرىن ءجىتى تەكسەرە باستاعاندىعى لوندوننىڭ نازارباەۆتىڭ مۇلكىن تاركىلەۋگە دايىن ەكەندىگىن اڭعارتادى.

ەكى ارادا سورلاپ قالعان - قازاق حالقى. نازارباەۆتار حالىق بايلىعىن اۋىزدان جىرىپ لوندونعا جينايدى. ەندى انگليا ونى زاڭسىز كاپيتال دەپ وزىنە وڭاي الىپ الماق. نازارباەۆ تۋرا كاددافيدىڭ تاعدىرىن قايتالاپ وتىر. 2012 جىلى يتاليا مۋاممار كاددافيدىڭ 1,1 ميلليارد ەۆرو تۇراتىن اكتيۆتەرىن تاركىلەپ، ءوز بيۋدجەتىنە اۋدارا سالعان بولاتىن. ول بايلىقتىڭ زاڭدى يەسى بولىپ تابىلاتىن ليۆيا حالقىنا ءبىر تيىن دا قايتپادى.

بالەنىڭ بارلىعىن «جاڭا قازاقستاننان» كورىپ وتىرعان داريعا نازارباەۆا ەندى قايرات ساتىبالدى رەسۋرستارىن پايدالانىپ، سابوتاج باستاماق. سالافيتتەردىڭ ساياسي ءلوببيى سانالاتىن، پارلامەنتكە وكىلدەرىن وتكىزگەن جاس پارتيا ارقىلى ءماجىلىس وتىرىستارىندا مەكتەپتەگى نامازحانا، حيدجاپ ماسەلەلەرى ءدىني ەركىندىك جاعىنان كوتەرىلەتىن بولادى. سول ارقىلى دىنشىلەردى «جاڭا قازاقستانعا» قارسى قويىپ، ىشكى دجيحاد ۇيىمداستىرىپ كورمەك. قازىر جاس پارتيا شاريعاتقا قايشى كەلەتىن ۆەيپ، قۇمار ويىندارى، ەنەرگەتيك سۋسىندارعا تولىق تيىم سالدىرتىپ، سول ارقىلى حالىق سەنىمىنە يە بولۋ وپەراتسياسىنىڭ تەڭ جارتىسىنا كەلدى. ءتيىستى زاڭداردى قابىلداتقاننان كەيىن اۋقىمدى جارناما كامپانياسى جۇرەتىن بولادى.

ساتىبالدى «جاڭا قازاقستاندى» جازالايتىنىنا سەنىمدى. داريعا دا وسى جولدا اقشا ايامايتىن بولادى. قىستا تالاي تەتس-تە اۆاريا جاساۋ، حالىقتى جىلۋ مەن جارىقسىز قالدىرۋ، قويمالاردىڭ ورتەنۋى سياقتى تەحنوگەندىك اپاتتار، سىرتقى ساياساتتا ساۋد اراۆياسىنىڭ قازاقستانعا شۇيلىگۋى سىندى سيۋرپريزدەر جوسپارلانعان.

ەكى تۇيە سۇيكەنسە شىبىن ولەتىندىكتەن، الدەكىمدەردىڭ ساياسي امبيتسيالارىنان قازاق حالقى تاعى دا زارداپ شەگەتىن بولدى.

Abai.kz