جۇما, 4 ءساۋىر 2025
ايماق 3116 1 پىكىر 6 قازان, 2023 ساعات 13:02

قازاقستان مەن قىرعىستان قىلمىس الەمىنە سوعىس اشتى

كەشە، ياعني، قازان ايىنىڭ 5-ءى كۇنى ۇلتتىق قاۋىپسىزدىك ءباسپاسوز قىزمەتى قىلمىستىق توپتاردىڭ 72-ءى مۇشەسى ۇستالعانىن حابارلادى. حابارلامادا ۇقك-ءنىڭ پوليتسيا ورگاندارىمەن بىرلەسە جانە باس پروكۋراتۋرانىڭ ۇيلەستىرۋىمەن ءبىر مەزگىلدە جەتىسۋ، جامبىل جانە تۇركىستان وبلىستارىندا ارنايى وپەراتسيا جۇرگىزگەنى ايتىلادى.

ناتيجەسىندە قارۋ مەن ەسىرتكىنى زاڭسىز ساقتاۋعا، بوپسالاۋعا، زاڭسىز كوشى-قون ارنالارىن ۇيىمداستىرۋعا جانە وزگە دە اۋىر قىلمىستار جاساۋعا كۇدىكتى توپتاردىڭ 72 مۇشەسى تەرگەۋ امالدارىن جۇرگىزۋ ءۇشىن جەتكىزىلگەن.

توپتار ءوز ارەكەتتەرىن قىتايمەن («قورعاس» حشىو), وزبەكستانمەن («جىبەك جولى» وتكىزۋ پۋنكتى) جانە قىرعىزستانمەن («قورداي اۆتوموبيلدىك» وتكىزۋ پۋنكتى) شەكارالاس ۋچاسكەلەردە جۇزەگە اسىرعان.

ءتىنتۋ بارىسىندا اتىس قارۋى وق-دارىلەرىمەن، ءىرى اقشا قاراجاتتارى، ەسىرتكى، سونداي-اق وزگە دە زاتتاي دالەلدەمەلەر تاركىلەندى.
تەرگەۋ ءىس-شارالارى جۇرگىزىلىپ جاتىر.

ەسكە سالا كەتەيىك، قازاننىڭ 4-ءى كۇنى قىرعىزستاندىق قىلمىس الەمىنىڭ سەركەسى قامشى كولباەۆ (كامچىبەك اسانبەك) بىشكەكتە وققا ۇشقان بولاتىن. ول قىرعىز ۇلتتىق قاۋىپسىزدىك مەملەكەتتىك كوميتەتىنىڭ ارنايى وپەراتسياسى كەزىندە قارۋلى قارسىلىق كورسەتكەن.

Abai.kz

1 پىكىر

ۇزدىك ماتەريالدار

46 - ءسوز

قايراۋلى قارا سەمسەر

ەسبولات ايدابوسىن 1463
انىق-قانىعى

ەۋروپاعا رەسەي اۋماعىنسىز شىعۋ جولى

اسحات قاسەنعالي 4185
46 - ءسوز

بىزگە بەيمالىم باراق حان

جامبىل ارتىقباەۆ 3068