دايدجەست: قازاقستانعا كىمدەر كەلە جاتىر؟
![](https://abai.kz/content/uploads/2023/10/ekrkr-1.jpg)
كەلەسى اپتادا ەلىمىز ءۇشىن ورىن الاتىن باستى وقيعا - فرانتسيا پرەزيدەنتى ەممانيۋەل ماكروننىڭ قازاق ەلىنە ساپارى. بۇل تۋراسىندا رەسمي اقوردا بەيسەنبى كۇنى:
«2023 جىلدىڭ 1 قاراشاسى كۇنى پرەزيدەنت قاسىم-جومارت توقاەۆتىڭ شاقىرۋىمەن فرانتسيا پرەزيدەنتى ەممانيۋەل ماكرون رەسمي ساپارمەن قازاقستانعا كەلەدى. وسى ساپار اياسىندا ساۋدا-ەكونوميكالىق، ينۆەستيتسيالىق جانە ەنەرگەتيكالىق ارىپتەستىك، سونداي-اق حالىقارالىق جانە ايماقتىڭ ماسەلەلەرى تالقىلانادى»، - دەپ حابارلادى.
2 قاراشادا استانعا ۆەنگريا پرەمەر-ءمينيسترى ۆيكتور وربان رەسمي ساپارمەن كەلەدى ەكەن. بۇل تۋراسىندا مەملەكەت باسشىسىنىڭ ءباسپاسوز قىزمەتى:
«وسى ساپار اياسىندا ساۋدا-ەكونوميكالىق، ينۆەستيتسيالىق جانە مادەني-گۋمانيتارلىق سالاداعى قازاق-ماديار ارىپتەستىگىنىڭ اياسىن كەڭەيتۋ ماسەلەلەرى تالقىلانادى»، -دەپ جازادى.
ەلوردامىزدا 3 قاراشا كۇنى تۇركى مەملەكەتتەرى ۇيىمىنىڭ (تمۇ) مەرەكەلىك X ءسامميتى وتەدى. اقوردا بۇل تۋراسىندا:
«تمۇ مۇشە ەلدەر ازەربايجان، قىرعىزستان، تۇركيا، وزبەكستان باسشىلارى ءىس-شاراعا قاتىسادى ءسامميتتىڭ جۇمىسىنىڭ بارىسىنا ۆەنگريا مەن تۇركمەنستان باسشىلارى باقىلاۋشى بولادى»، - دەپ ناقتىلادى.
Abai.kz