ەگەر بيزنەستىڭ دامۋ قارقىنى تومەندەيتىن بولسا سالىق تۇسىمدەرىنىڭ قاجەتتى كولەمى قالاي قامتاماسىز ەتىلەدى؟ قوسىلعان قۇن سالىعى بيۋدجەتكە سالىق تۇسىمدەرى ماسەلەسىن شەشۋگە قانشالىقتى كومەكتەسەدى؟

سەنات توراعاسى ماۋلەن اشىمباەۆ 2024-2026 جىلدارعا ارنالعان رەسپۋبليكالىق بيۋدجەت جانە ۇلتتىق قوردان كەپىلدەندىرىلگەن ترانسفەرت تۋرالى زاڭداردى قاراۋ بارىسىندا وسى جانە باسقا دا سۇراقتارعا جاۋاپ بەرۋدى تالاپ ەتتى.

سەنات توراعاسى قاراشا ايىنىڭ باسىنا جوسپارلانعان 11 ترلن تەڭگە سالىقتىڭ نەبارى 9,6 ترلن تەڭگەسى جينالعانىنا نازار اۋداردى. ياعني، ول اتاپ وتكەندەي، 1,4 ترلن تەڭگە «مينۋسقا» كەتىپ وتىرمىز.

«بيىل شامامەن 14 تريلليون سالىق ءتۇسىمى جوسپارلانعان ەدى. ارينە، ناقتى كورسەتكىش تومەن بولۋى مۇمكىن. وسى جاعدايدا كەلەسى جىلعا، 2024 جىلدىڭ بيۋدجەتىنە ءبىز شامامەن 16 تريلليون تەڭگە كولەمىندە سالىق ءتۇسىمىن سالامىز. ياعني، بۇل وتە ماڭىزدى ءوسىم بولىپ وتىر. سالىقتى اكىمشىلەندىرۋ سالىقتىڭ ءبىر بولىگىن قامتاماسىز ەتۋگە ءتيىس. بىراق سالىق تۇسىمدەرىن تاعى قالاي قامتاماسىز ەتۋ جوسپارلانۋدا؟ ءبىزدىڭ ويىمىزشا، ءسىزدىڭ جاۋابىڭىزدا ول سالىقتى كوتەرۋ ارقىلى بولادى. قازىر وسى تۋرالى ايتىلىپ وتىر. بىراق بيۋدجەتكە سالىق تۇسىمدەرى ماسەلەسىن شەشۋگە قوسىلعان قۇن سالىعىنىڭ ءوسىمى قانشالىقتى كومەكتەسەدى؟ وسىعان بايلانىستى سىزدە 2024 جىلعى بيۋدجەتكە 16 تريلليون تەڭگە كولەمىندە سالىق تۇسىمدەرىن قامتاماسىز ەتۋگە بايلانىستى قانداي دا ءبىر پىسىقتالعان ۇستانىمدار بار ما؟ بۇل قالاي قامتاماسىز ەتىلەدى؟», – دەپ سۇرادى ماۋلەن اشىمباەۆ.

Abai.kz