قاڭتاردىڭ 7-ءسى كۇنى جاپونيانىڭ جاڭا سايلانعان سىرتقى ىستەر ءمينيسترى يوكو كامينكاۆا وتانىندا اۋىر جەر سىلكىنىسى بولعانىنا قاراماي، كيەۆكە كەلدى.

قورعانىس دابىلى سوعىلىپ تۇرعاندىقتان، قاۋىپسىز، جەر استى ۇڭگىرىندە ۋكراينا سىرتقى ىستەر ءمينيسترى ديميتري كۋلەبامەن بىرلەسكەن ءباسپاسوز ءماجىلىسىن وتكىزدى.

«سىزدەردىڭ قانداي كۇيدە ەكەندەرىڭىزگە بۇرىنعىدان دا كوزىم جەتتى»، - دەگەن ول ۋكراينانى سوڭىنا دەيىن قولدايتىنىن جەتكىزدى.

ۋكراين جۇرتىنىڭ قىستان دىردەكتەمەي شىعۋى ءۇشىن بەس ۇلكەن گەناروتور بەرەتىنىن، اسكەري جاقتا جاپونيا تارابى ۋكراينانىڭ درون ءوندىرىسىن دامىتۋعا، درونداردىڭ بارلاۋ سيستەماسىن جاپوندىق ونىممەن قامتاماسىز ەتۋگە 35 ميلليون دوللار بولەتىنىن جەتكىزدى. وسىلايشا ۋكراينادا جاسالعان درونداردىڭ تەحنيكالىق دالدىگى جاڭا دەڭگەيگە جەتەتىن بولدى.

زەلەنسكي جىل سوڭىنداعى ءباسپاسوز ماجىلىسىندە كەلەسى جىلى ۋكراينا جاڭا اسكەري ءوندىرىس كومپانيالارىنىڭ ميلليون دانا درون جاساۋعا الەۋەتى جەتەتىنىن ايتقان ەدى.

جاپونيا ءسىم-ءىنىڭ ايەل باسشىسى جاڭا جىلدان كەيىن ۋكرايناعا ات باسىن تىرەگەن العاشقى شەتەلدىك قوناق رەتىندە الەمدىك بۇقارالىق اقپارات قۇرالدارىنىڭ نازارىن اۋداردى.

Abai.kz