رۋزا بەيسەنبايتەگى پاۆلودار بيلىگىنە نە جازىپ قويدى؟
![](https://abai.kz/content/uploads/2024/01/920bbc96ed2f882a3c28c3d0cb8f64a77a5399ea.jpg)
ەلدى ەلەڭدەتكەن وقيعا - بەلسەندى، ءتىل كۇرەسكەرى رۋزا بەيسەنبايتەگىنە قاتىستى ابزال دوستيار ءوزىنىڭ الەۋمەتتىك جەلىدەگى پاراقشاسىنداعى جازباسى بولدى.
وندا ابزال دوستيار:
«شۇعىل! ءتىل جاناشىرى، كۇرەسكەر انامىز اۋرۋحاناعا ءتۇستى! بۇگىن تۇستەن كەيىن رۋزا اپاي حابارلاسىپ: «ابزال بالام، مەن سوتقا كەتىپ بارا جاتىرمىن، ءبىر ءدامحانانىڭ يەسى ءتىل ماسەلەسىنە بايلانىستى سوتقا بەرىپتى، كەلگەن سوڭ حابارلاسامىن»، - دەگەن ەدى.
قازىر عانا بەلگىلى بولعانداي رۋزا بەيسەنبايتەگىن جەدەل-جاردەم كولىگىمەن الىپ كەتىپتى، الىپ كەتكەنگە دەيىن ول كىسىنى پوليتسيا قىزمەتكەرلەرى قورشاپ تۇرعان ەكەن. سول ساتتەگى تىكەلەي ەفير ساقتالماپتى، اپايدىڭ وزىنە قوڭىراۋ شالسام، تەلەفونىن كوتەرمەي تۇر.
پاۆلودار وبلىسىندا جالعىز ءوزى قازاق ءتىلىنىڭ جاعدايىن ايتىپ شىرقىراپ جۇرگەن ءتىل جاناشىرى رۋزا اپايىمىزدىڭ جاعدايىنا الاڭداۋلىمىن.
اپايدىڭ جاعدايىن بىلە الاتىن پاۆلودار قالاسىنان كىم بار؟
وسى جازبانى تاراتساڭىزدار»، - دەپ جازبا قالدىرعانان كەيىن، ءتىل كۇرەسكەرى رۋزا بەيسەنبايتەگى قازىرگى پاۆلودار بيلىگىنە نە جازىپ قالدى دەگەن ويعا قالدىق.
سونداي-اق بەلسەندى بوتاگوز يسا رۋزا بەيسەنبايتەگىنى «كۇشپەن» الىپ كەتكەنىن جازادى.
رۋزا بەيسەنبايتەگى - كەرەكۋدەگى ساناۋلى ءتىل جاناشىرلارىنىڭ ءبىرى. Abai.kz اقپاراتتىق پورتالىنىڭ تۇراقتى اۆتورلارىنىڭ ءبىرى. ءبىز اتالعان ماسەلەگە قاتىستى پاۆلودارداعى قۇزىرلى ورگانداردان رەسمي تۇسىندىرمە كۇتەمىز.
Abai.kz