سوڭعى تاۋلىكتە ۋكراينا قارۋلى كۇشتەرى قۇرسك وبلىسىنداعى تاعى ەكى اۋىلدى باسىپ الدى، دەپ حابارلايدى «اگەنتتىك» باسىلىمى.

بۇل سۋدجا اۋدانىنىڭ وڭتۇستىگىندەگى پلەحوۆو جانە سپالنوە اۋىلدارى، دەپ جازادى باسىلىم. پلەحوۆونىڭ الىنعانىن بەينەجازبا راستادى، ونى سەيسەنبى كۇنى كەشكە قاراي ۋكراينالىق Telegram-ارنالار تاراتتى.

تولاسسىز ۇرىس قيمىلدارى ايماعىنىڭ ازداپ كەڭەيۋى كورەنەۆ اۋدانىندا، كورەنەۆو اۋىلىنان سولتۇستىك-شىعىسقا قاراي 15 كم جەردە ورىن الدى. قاقتىعىس فاكتىسىن NASA سپۋتنيكتەرى تىركەگەن ءورت دەرەكتەرى دە راستايدى.

سونداي-اق، اۋدان ورتالىعىنىڭ جانىندا دا ۇرىستار جالعاسۋدا. بۇدان باسقا، قارۋلى كۇشتەر بۇرىنعىسىنشا سۋدجا اۋدان ورتالىعىن باقىلاۋدا ۇستاپ، مارتىنوۆكا اۋىلىنىڭ سولتۇستىك-شىعىسىنا شابۋىل جاسايدى، دەلىنگەن جاريالانىمدا.

مۋرمانسك وبلىسىنان اسكەرگە شاقىرىلۋشىلاردى ۋكراينانىڭ قارۋلى كۇشتەرى كىرگەن كۋرسك ماڭىنا كوشىرۋگە دايىنداۋدا، دەپ حابارلادى «اگەنتتىككە» اتلعان ساربازداردىڭ اتا-انالارى.

«قازىر اسكەري بولىمدە اسكەرگە شاقىرىلۋشىلاردى كۋرسك وبلىسىنا ءىس-ساپارعا دايىنداۋ ءجۇرىپ جاتىر. كۋرسك باتالوندارى قۇرىلدى. بۇل اقپاراتتى بىزگە 3 تامىزدا انت بەرگىزگەن قولباسشىلىق راستادى. كۋرسك وبلىسىندا ۇرىس قيمىلدارى ءجۇرىپ جاتىر جانە ءبىزدىڭ ۇلدارىمىزدىڭ ومىرىنە قاۋىپ ءتونىپ تۇر»، - دەلىنگەن اتا-انالاردىڭ مالىمدەمەسىندە.

اڭگىمە مۋرمانسك وبلىسىنداعى 80-ءشى موتواتقىشتار ديۆيزياسىنىڭ اسكەرگە شاقىرىلۋشىلارى تۋراسىندا بولىپ وتىر. بۇعان دەيىن باسقا مەرزىمدى قىزمەتتەگى ساربازداردىڭ انالارى مەملەكەت باسشىسىنا ۇلدارىن كۋرسك وبلىسىنان شىعارۋعا شاقىرعان بولاتىن.

«تاۆريا» جەدەل-ستراتەگيالىق اسكەر توبىنىڭ سپيكەرى دميتري ليحوۆوي رەسەي ۋكراينانىڭ وڭتۇستىگىندەگى باسىپ الىنعان بولىگىنەن ءوز اسكەرلەرىنىڭ ءبىر بولىگىن شىعارعانىن مالىمدەدى.

«رەسەي ءوزىنىڭ كەيبىر بولىمشەلەرىن ۋكراينانىڭ وڭتۇستىگىندەگى زاپوروجە جانە حەرسون وبلىستارىنان قايىرا ورنالاستىردى»، - دەدى ليحوۆوي.

سونىمەن قاتار، بۇل ارادا اڭگىمە بولىمشەلەردىڭ سالىستىرمالى تۇردەگى سانى تۋرالى بولىپ وتىرعانىن اتاپ ءوتتى. ليحوۆويدىڭ ايتۋىنشا، رەسەيلىكتەر جەكە قۇرامنىڭ كوپ بولىگىن اتاپ ايتقاندا، زاپوروجە وبلىسىندا قايىرا توپتاستىرعان. ال ءوز كۇشتەرىنىڭ ءبىر بولىگى اكەتىلگەن ءتۇنى رەسەيلىكتەر حەرسون وبلىسىندا بىرنەشە شابۋىل جاسادى.

كۋرسك وبلىسىنداعى ۇرىس كەزىندە رەسەي ايماققا كالينينگراد وبلىسىنان جەتكىزىلگەن ءوز اسكەرلەرىن جىبەردى. بۇل تۋرالى ليتۆانىڭ ۇلتتىق قورعانىس ءمينيسترى لاۋريناس كاششيۋناس كيەۆتە ۋكراينا پرەزيدەنتى ۆلاديمير زەلەنسكيمەن كەزدەسۋ بارىسىندا ايتتى.

«ءبىز قازىر رەسەيلىكتەردىڭ ءوز اسكەرلەرىن كالينينگرادتان كۋرسككە جەتكىزىپ جاتقانىن كورىپ وتىرمىز. مەن ليتۆا حالقىنا ايتامىن: سىزدەر ۋكراينداردىڭ سىزدەر ءۇشىن كۇرەسكەندەرىن كورىڭىزدەر، ويتكەنى ولاردىڭ وسى كۇرەسى كالينينگرادتان اسكەر شىعارۋعا ءماجبۇر ەتتى. ءبىز مۇنى كالينينگرادتىڭ دەميليتاريزاتسيالانۋى دەپ تە اتايمىز», - دەدى مينيستر.

شەنەۋنىكتىڭ ايتۋىنشا، ۋكراينا ماڭىزدى ىستەرگە قول جەتكىزە الاتىنىن كورسەتتى جانە كۋرسك وبلىسىنداعى وپەراتسيا - الەۋەتتى قادام، سونداي-اق سوعىس بارسىنداعى مۇلدەم جاڭا بەتبۇرىس بولىپ تابىلادى.

Abai.kz