بايقوڭىردا شەتەل ازاماتتارى زىمىراندى سۋرەتكە تۇسىرمەك بولعانى ءۇشىن ۇستالعان. ۇستالعاندار فرانتسيا ازاماتى مەن گەرمانيا ازاماتى بولىپ شىقتى، دەپ حابارلايدى SHOT تەلەگرام-ارناسى.

«ەنەرگيا» زىمىران تاسىعىشىنىڭ سۋرەتىن تۇسىرۋگە تىرىسقان ساتتەرىندە ولاردى پوليتسيا ۇستاپ العان. قوناقتار وزدەرىنىڭ عارىش ايلاعىن كورۋگە كەلگەن تۋريستەر ەكەنىن ايتقان.

باق-تىڭ حابارلاۋىنشا، بايقوڭىردا 21 جاستاعى فرانتسۋز اكسەل وليۆەر روبەرتو گۋيەنو مەن 26 جاستاعى نەمىس يۋليان كارل-يۋرگەن پورەنتس ۇستالعان.

ولارعا اكىمشىلىك حاتتاما تولتىرىلىپ، قاماۋعا الىنعان. جاقىن ارادا شاقىرىلماعان قوناقتار سوتقا جەتكىزىلەدى.

بايقوڭىر - قىدىرىستاپ بارۋعا جانە سۋرەتكە تۇسىرۋگە ارنالعان تانىمال ورىن. شىلدە ايىندا وندا ءۇش ەۋروپالىق ازامات ۇستالسا، ماۋسىم ايىندا فرانتسيا ازاماتى عارىش ايلاعىنىڭ ماڭىندا قايتىس بولعان.

Abai.kz