ساۋ ادامنىڭ ءسوزىن ماس ادام تۇسىنبەيدى...

وتىز جىلدىق «جەتىستىكتەر» ىشىندە ەلىمىزدىڭ قازىرگى قارقىندى دامۋىنا دەتوناتور بولاتىنداي قاۋقارلى «جەتىستىكتى» كورىپ تۇرعان جوقپىن.

كەرىسىنشە، ەلىمىز قازىر «وتىز جىلدا جاسالعان قىلمىستار مەن قاتەلىكتەردى ەڭسەرۋ» ارقىلى عانا العا دامۋ مۇمكىندىگىنە يە بولىپ، سورلاپ قالدى.

وسىنى ەڭسەرۋ ءۇشىن دە سول قاتەلىكتەرگە وبەكتيۆتى اناليز كەرەك.

سوندا عانا ول سۇرلەۋدى قايتالاماۋدىڭ، دامۋ ءۇشىن جاڭا تەتىكتەردى تابۋدىڭ پەرسپەكتيۆاسى ايقىندالادى.

ءسويتىپ، ەندى وسىنى باسشىلىققا الا وتىرىپ، اسا ساقتىقپەن العا باسۋعا مۇمكىندىگى تۋادى.

تەك سوندا عانا ۇلتتىق يدەولوگيانىڭ سەرپىندى كونسترۋكتسياسىنىڭ سۇلاباسى ومىرگە كەلە باستايدى.

مەنىڭشە، قازىرگى قوعام كەز كەلگەن پروگرەسسيۆتى يدەولوگيانى قابىلداۋ دەڭگەيىنەن تومەن جاتىر. سەبەبى ءبىز ءالى دە ۇلتتىق ۋنيتارلى مەملەكەت ورناتا المادىق. سوعان ساي، قازاق حالقى دا ساياسي ۇلتقا اينالمادى. ازىرگە، بىرەگەيلىك پەن بىرىگۋ - سالت-ءداستۇر دەڭگەيىنەن اسپادى.

ول تەك «مەملەكەتتىلىكتى سەزىنۋ» دەڭگەيىنە جەتكەندە عانا، قوعامنىڭ ءاربىر مۇشەسى ازاماتتىق ستاتۋسقا يە بولىپ، مەملەكەتكە ىقپالىن ارتتىرادى.

قازىر «ءدىنشىل-ءدىنسىز»، «باستىق-ءجاي ادام»، «ءبىلىمدى-ءبىلىمسىز» جانە ت.ت. پارامەترلەر توڭىرەگىندە عانا لوكالدى توپتاسۋ قالىبىمەن كەلە جاتىرمىز.

پاتريوتيزم - دەكوراتسيالىق كۇيدە تۇر.

قاۋىپ تونسە، ەل قالاي قورعانۋ جولدارىنان حابارسىز. تىپتەن، قاۋىپتىڭ كەلەر جاعىن سارالاۋدان جانە باعالاۋدان حابارسىز...

قوعام ساناسى ابدەن ەكلەكتيكالىق كۇيگە قۇلدىراپ، ءوزىنىڭ ستراتەگيالىق ارناسىن تابا الماۋدا. وسى كەزدە، يدەولوگيالىق قادامدار مەيلىنشە قاراپايىم بولىپ، قوعامدى ءبىرلى-ەكىلى ۇراندارمەن وياتۋ دا وڭدى قادام بولار ەدى...

بىراق، ءبىزدىڭ سانامىزدى «باقىلاۋشى-رەتتەۋشىلەر» وزدەرىن تىم جوعارى قويادى... بىراق، «باقىلاۋشى-رەتتەۋشىلەردىڭ» وزدەرى نەشە ءتۇرلى كوررۋپتسيالىق، سىبايلاستىق، كلاندىق جانە ەكلەكتيكالىق كەسەلگە شالدىققان... وسىنى ولار سەزەدى، الايدا، سول سەبەپتى دۇرىس باعىتتى شەكتەيدى...

ياعني، ساۋدىڭ ءسوزىن ماس ادام تۇسىنبەيتىنى سياقتى بەلگىلەر ءورشىپ تۇر.

ازىرگە وسى.

ءابدىراشيت باكىرۇلى

Abai.kz