كۇننەن كۇنگە قۇنسىزدانىپ بارا جاتقان ءتول تەڭگەمىزدىڭ جاعداي نە بولماق؟پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى نۇرلان بايبازاروۆ تەڭگە تاعى قۇنسىزدانباس ءۇشىن نە ىستەلىنەتىنىن ايتتى.

كەلەسى جىلعا ۇكىمەتتىڭ ەڭ باستى ماقساتى – بىرقاتار ءىرى جوبانى ىسكە قوسۋ. ونىڭ ىشىندە ينفراقۇرىلىمدىق، ونەركاسىپ، جالپى
17 جوبا بار. ولاردى ىسكە اسىرۋدى باستاپ كەتتىك. جاقىندا كوممۋنالدىق جۇيەنى جاڭعىرتۋ باعدارلاماسى قابىلدانادى. سونداي-اق بيىل كوپتەگەن شەتەلدىك قارجى ۇيىمىمەن ناقتى كەلىسىمدەرگە وتىردىق. ناتيجەسىندە 2025 جىلى ءبىز ەلىمىزگە شەتەل ۆاليۋتاسىندا ينۆەستيتسيانى تارتۋ كولەمى كۇرت كوبەيەدى دەپ ەسەپتەپ وتىرمىز. ناتيجەسىندە بۇل ۆاليۋتانىڭ ءبارى (دوللار) ىشكى نارىق ارقىلى وتەدى. سول ارقىلى جاڭا جوبالاردى قارجىلاندىراتىن بولامىز، – دەدى نۇرلان بايبازاروۆ سەناتتىڭ جالپى وتىرىسىندا.

ونىڭ ايتۋىنشا، بيۋدجەتتەگى 2 ترلن تەڭگەنىڭ ۇشتەن ءبىر بولىگى اۋىل شارۋاشىلىعى سالاسىن دامىتۋعا بولىنەدى.

سوندىقتان باستى سۇيەنەتىنىمىز – شەتەلدەن كەلەتىن ۆاليۋتالىق ينۆەستيتسيا. ءبىز وسى  وسى جۇمىستى ءتيىستى دەڭگەيدە جۇرگىزەمىز. وسىلايشا، شەتەلدىك ينۆەستيتسيا ءبىزدىڭ ىشكى ۆاليۋتا نارىعى ارقىلى وتەدى. وسىلايشا، ءبىز نارىقتاعى ۆاليۋتا كولەمىنە ۇسىنىستى ارتتىرامىز، – دەدى مينيستر.

Abai.kz